ന്യൂദല്ഹി: പ്രവാസി വോട്ടവകാശത്തിനായി നിയമഭേദഗതിയാണോ വിജ്ഞാപനമാണോ വേണ്ടതെന്ന് കേന്ദ്രസര്ക്കാര് തീരുമാനിക്കണമെന്ന് സുപ്രീംകോടതി. ഇതുസംബന്ധിച്ച തീരുമാനം കേന്ദ്രസര്ക്കാര് അറിയിക്കണമെന്ന് ചീഫ് ജസ്റ്റിസ് എച്ച്.എല് ദത്തു അദ്ധ്യക്ഷനായ സുപ്രീംകോടതി ബെഞ്ച് നിര്ദ്ദേശിച്ചു. പ്രവാസി വോട്ടവകാശത്തിനായി ജനപ്രാതിനിധ്യ നിയമം ഭേഗഗതി ചെയ്യണമെന്ന നിലപാട് കേന്ദ്രതെരഞ്ഞെടുപ്പ് കമ്മീഷന് കോടതിയെ അറിയിച്ചു. ഭാരതീയര്ക്ക് പ്രതിനിധി വോട്ടും (പ്രോക്സി വോട്ട്) ഇ-പോസ്റ്റല് വോട്ടും നടപ്പാക്കണമെന്ന കേന്ദ്രതെരഞ്ഞെടുപ്പ് കമ്മീഷന് നിലപാടിനുള്ള പിന്തുണ കേന്ദ്രസര്ക്കാര് അറിയിച്ചിട്ടുണ്ട്. പ്രവാസി വോട്ടവകാശം വേണമെന്നാവശ്യപ്പെട്ട് ഡോ.ഷംഷീര് വയലില് സമര്പ്പിച്ച ഹര്ജിയാണ് കോടതി ഇന്നലെ പരിഗണിച്ചത്.
പ്രതികരിക്കാൻ ഇവിടെ എഴുതുക: