പള്ളുരുത്തി: പെരുമ്പടപ്പ് കുറ്റക്കാട്ട് പ്രദേശത്തെ തോടിന് കുറുകെയുള്ള തകര്ന്ന കലുങ്ക് ബിജെപി പ്രവര്ത്തകര് പുനര്നിര്മ്മിച്ചു. മാസങ്ങളായി പാലം തകര്ന്നിട്ടും നഗരസഭ അധികൃതര്ക്ക് കുലുക്കമില്ലാതായതോടെയാണ് തോടിന് കുറുകെ കലുങ്ക് പാലം നിര്മ്മിച്ച് ബിജെപി പ്രവര്ത്തകര് മാതൃക കാട്ടിയത്. പെരുമ്പടപ്പ് കുപ്പക്കാട്ട് പ്രദേശത്തുനിന്നും ശങ്കുതറ മുക്കിലേക്ക് പോകുന്ന വഴിയിലെ കലുങ്കാണ് കഴിഞ്ഞ ഏഴുമാസത്തോളമായി തകര്ന്നുകിടക്കുന്നത്. ഒടുവില് നാട്ടുകാര് ബിജെപി പ്രവര്ത്തകരെ സമീപിച്ച് പരാതി പറയുകയായിരുന്നു. ബിജെപി പതിനേഴാം ഡിവിഷന് സൗത്ത് ബൂത്ത് കമ്മറ്റി ഇടപെട്ട് കലുങ്ക് പുനര്നിര്മ്മിക്കാന് രംഗത്തിറങ്ങുകയായിരുന്നു. പ്രവര്ത്തകര് തന്നെ അവരവരുടെ കൈകളില്നിന്നും പണം നല്കി രണ്ട് ദിവസത്തിനകം കലുങ്ക് നിര്മ്മാണം പൂര്ത്തിയാക്കി. ബിജെപി മീഡിയാ സെല് കണ്വീനര് കെ.കെ. റോഷന്കുമാറാണ് നിര്മാണപ്രവര്ത്തനങ്ങള്ക്ക് നേതൃത്വം നല്കിയത്. ബൂത്ത് പ്രസിഡന്റ് വി.ബി. ഷിബു, ഏരിയാ വൈസ് പ്രസിഡന്റ് കെ.സി. ഷിബു, ജോയി കുപ്പക്കാട്ട്, വി.ബി. തമ്പി, പി.ടി. വിനോദ് എന്നിവര്ക്കായിരുന്നു നിര്മാണച്ചുമതല.
ഞായറാഴ്ച രാവിലെ കലുങ്കിന്റെ ഉദ്ഘാടനം നടത്തി പൊതുജനങ്ങള്ക്ക് സമര്പ്പിക്കുമെന്ന് ബിജെപി പ്രവര്ത്തകര് പറഞ്ഞു. കുപ്പക്കാട്ട് കുടുംബത്തിലെ മുതിര്ന്ന കാരണവര് തോമാസ് കുപ്പക്കാട്ട് പാലത്തിന്റെ ഉദ്ഘാടനം നിര്വഹിക്കും. ബിജെപി തൃപ്പൂണിത്തുറ മണ്ഡലം പ്രസിഡന്റ് വി.ആര്. വിജയകുമാര് മുഖ്യാതിഥിയാകും. ബിജെപി സംസ്ഥാനസമിതി അംഗം വി.കെ. സുദേവന്, മണ്ഡലം സെക്രട്ടറി കെ.ഡി. ദയാപരന്, കെ.കെ. റോഷന്കുമാര്, പള്ളുരുത്തി സൗത്ത് ഏരിയാ പ്രസിഡന്റ് എം.എസ്. രാജേഷ്കുമാര്, ടി.എ. സുരേഷ്ബാബു എന്നിവര് സംബന്ധിക്കും.
പ്രതികരിക്കാൻ ഇവിടെ എഴുതുക: