മട്ടാഞ്ചേരി: കൊച്ചി തിരുമലക്ഷേത്ര രഥോത്സവത്തിന് തന്ത്രി പ്രേംകുമാര് വാദ്ധ്യാര് കൊടിയേറ്റി. അചാരാനുഷ്ഠാന ചടങ്ങുകളുമായി ഏട്ട് ദിവസത്തെ ഉത്സവം 27ന് ആറാട്ടുചടങ്ങുകളോടെ സമാപിക്കും. ഇന്നലെ രാവിലെ നിത്യപൂജകള്ക്ക് ശേഷം ഭഗവാനെ പല്ലക്കിലെറ്റി കൊടിമരച്ചുവട്ടിലേയ്ക്ക് എഴുന്നള്ളിച്ചു തുടര്ന്ന് കൊടിയേറ്റും, ഉത്സവ ആജ്ജ, ദേവതാ ക്ഷണനം, പല്ലക്ക് പൂജ, രാത്രി വിഷ്ണുയാഗ പ്രാരംഭം, ഗരുഡവാഹന പൂജ എന്നിവയും നടന്നു.
ഉത്സവദിനങ്ങളിലെ നാല്, അഞ്ച്, ആറ് ദിനങ്ങളില് പറെയുടുപ്പ്, ഏഴാം ദിവസം പള്ളിവേട്ട, ഏട്ടാംദിവസം അവഭൃതസ്നാനം, ആറാട്ട്, സ്വര്ണ്ണ ഗരുഡവാഹന പൂജ, പട്ടുകാണിക്യ, യജ്ജപൂര്ണ്ണാഹുതി, കൊടിയിറക്കം എന്നിവ നടക്കും.
ഉത്സവദിനങ്ങളില് ഉച്ചയ്ക്കും, രാത്രിയും പല്ലക്ക് പൂജ, വിഷ്ണുയാഗം , ഉത്സവബലി ചടങ്ങുകളും നടക്കും. ആഘോഷത്തിന് ദേവസ്വം ആചാര്യന് കെ.രാമാനന്ദഭട്ട്, മേല്ശാന്തി എല്.കൃഷ്ണഭട്ട്, ദേവസ്വം പ്രസിഡന്റ് കപില് ആര്.പ്പൈ, ഭണാധികാരിമാരായ ആര്. വെങ്കടേശ്വരപ്പൈ, വി.ഹരിപ്പൈ, അംഗങ്ങളായ എച്ച്.ജയകുമാര്നായ്ക്ക്, ബാലഗോപാല് ബി. പ്പൈ, എസ്.ദേവാനന്ദകമ്മത്ത് എന്നിവര് നേതൃത്വം നല്കും.
പ്രതികരിക്കാൻ ഇവിടെ എഴുതുക: