തിരുവനന്തപുരം: സംസ്ഥാന ചീഫ് ഇലക്ടറല് ഓഫീസര് നളിനി നെറ്റോയെ ആഭ്യന്തരവിജിലന്സ് വകുപ്പ് അഡീഷണല് ചീഫ് സെക്രട്ടറിയായി നിയമിക്കും. സംസ്ഥാന ചീഫ് ഇലക്ടറല് ഓഫീസര് പദവിയില് നിന്നും വിടുതല് ചെയ്യുന്നതിന് കേന്ദ്ര ഇലക്ഷന് കമ്മീഷനോട് സര്ക്കാര് അഭ്യര്ത്ഥിക്കും.
ആഭ്യന്തര വകുപ്പ് സെക്രട്ടറി നിവേദിത പി. ഹരന് അടുത്ത മാസം വിരമിക്കും. ഈ ഒഴിവിലേക്കാണ് നളിനി നെറ്റോയെ നിയമിക്കുന്നത്. അഡീഷണല് ചീഫ് സെക്രട്ടറി ഡോ. കെ.എം. എബ്രഹാമിന് ഉദ്യോഗസ്ഥ ഭരണപരിഷ്കാര വകുപ്പിന്റെയും ശാസ്ത്ര സാങ്കേതിക വകുപ്പിന്റെയും അധികച്ചുമതല നല്കി.
മുന് റവന്യൂ സെക്രട്ടറി ജി. കമല വര്ദ്ധന റാവുവിനെ ഭക്ഷ്യപൊതുവിതരണ ഉപഭോക്തൃകാര്യ വകുപ്പിന്റെ അധികച്ചുമതലയോടെ വിനോദസഞ്ചാര വകുപ്പ് സെക്രട്ടറിയായി നിയമിക്കും.
പ്രതികരിക്കാൻ ഇവിടെ എഴുതുക: