തൃപ്പൂണിത്തുറ: 27-ാമത് റവന്യു ജില്ല കലോത്സവത്തിന് തൃപ്പൂണിത്തുറയില് കൊടിയിറങ്ങിയപ്പോള് ഓവറോള് കിരീടം ആലുവ ഉപജില്ലക്ക്തന്നെ. തുടര്ച്ചയായി ഇത് ഏഴാംതവണയാണ് ആലുവ കിരീടം നേടുന്നത്. യുപി., ഹൈസ്കൂള്, ഹയര് സെക്കന്ററി വിഭാഗങ്ങളിലെല്ലാം ആലുവ ഒന്നാമതെത്തി. കലോത്സവ ചരിത്രത്തില് ആലുവയുടെ പന്ത്രണ്ടാം കിരീടനേട്ടമാണിത്.
ഹയര് സെക്കന്ററി വിഭാഗത്തില് 416 പോയിന്റും, ഹൈസ്കൂള് വിഭാഗത്തില് 357 പോയിന്റും, യു.പി വിഭാഗത്തില് 150 പോയിന്റും, ഹൈസ്കൂള് വിഭാഗം സംസ്കൃതോത്സവത്തില് 93 പോയിന്റുമാണ് ആലുവ മുന്നിലെത്തിയത്. ഹയര് സെക്കന്ററി വിഭാഗത്തില് അവസാന മത്സരം വരെ നീണ്ട ഇഞ്ചോടിഞ്ച് പോരാട്ടത്തിനൊടുവില് എറണാകുളം ഉപജില്ലയും നോര്ത്ത പറവൂര് ഉപജില്ലയും 369 രണ്ടാം സ്ഥാനം പങ്കിട്ടു. മൂത്തകുന്നം എസ്എന്എംഎച്ച്എസ്എസ് (155) ആണ് ഈ വിഭാഗത്തില് ഒന്നാമതെത്തിയ സ്കൂള്. ആലുവ വിദ്യാധിരാജ വിദ്യാഭവന്(106) രണ്ടും, കോലഞ്ചേരി സെന്റ് പീറ്റേര്സ് വി.എച്ച്.എസ് ആന്റ് എച്ച്എസ്എസ് (101) മൂന്നും സ്ഥാനങ്ങള് നേടി.
ഹൈസ്കൂള് വിഭാഗത്തില് ആതിഥേയരായ തൃപ്പൂണിത്തുറ ഉപജില്ല(338), എറണാകുളം ഉപജില്ല(310) എന്നിവര് രണ്ടും മൂന്നും സ്ഥാനങ്ങള് നേടി. സ്കൂളുകളില് ഇഞ്ചോടിഞ്ച് പോരാട്ടത്തിനൊടുവില് എറണാകുളം സെന്റ് തെരേസാസ്(104), വിദ്യാധിരാജ വിദ്യാഭവന് സ്കൂളിനെ(101) രണ്ടാം സ്ഥാനത്തേക്ക് പിന്തള്ളി. മോറക്കാല സെന്റ് മേരീസ് എച്ച്എസ്എസ്(99) ആണ് മൂന്നാമത്.
യുപി വിഭാഗത്തില് എറണാകുളം ഉപജില്ല(142) രണ്ടാം സ്ഥാനവും, വൈപ്പിന് ഉപജില്ല(137) മൂന്നാം സ്ഥാനവും കരസ്ഥമാക്കി. കുഴുപ്പിള്ളി സെന്റ് അഗസ്റ്റിന്സ് ജിഎച്ച്എസ്(53), എറണാകുളം സെന്റ് തെരേസാസ്(50), ഫോര്ട്ട് കൊച്ചി ഫാത്തിമ ഗേള്സ് എച്ച്എസ്(38) എന്നിവരാണ് സ്കൂളുകളില് മുന്നിലെത്തിയത്.
യുപി വിഭാഗം സംസ്കൃതോത്സവത്തില് തൃപ്പൂണിത്തുറ(88) ഒന്നാമതെത്തിയപ്പോള് ആലുവ, അങ്കമാലി ഉപജില്ലകള് 85 പോയിന്റോടെ രണ്ടാം സ്ഥാനം പങ്കിട്ടു. നോര്ത്ത് പറവൂര് ഉപജില്ലയാണ്(83) മൂന്നാമത്. വളയന്ചിറങ്ങര എച്ച്എസ്എസ്, കാലടി ബിഎസ്യുപിഎസ് എന്നിവര് 60 പോയിന്റോടെ ഒന്നാം സ്ഥാനം പങ്കിട്ടു. വിദ്യാധിരാജ വിദ്യാഭവന്(57) ആണ് മൂന്നാമത്. ഹൈസ്കൂള് വിഭാഗത്തില് തൃപ്പൂണിത്തുറ(81) രണ്ടാം സ്ഥാനം നേടി. അങ്കമാലി, എറണാകുളം ഉപജില്ലകള്(79) മൂന്നാം സ്ഥാനം പങ്കിട്ടു. ആലുവ വിദ്യാധിരാജ വിദ്യാഭവന്(70) ആണ് സ്കൂളുകളില് ഒന്നാമത്. കാലടി ബ്രഹ്മാനന്ദോദയം എച്ച്എസ്എസ് (55) രണ്ടാം സ്ഥാനം നേടി.
അറബി കലോത്സവം യുപി വിഭാഗത്തില് പെരുമ്പാവൂര്(65), ആലുവ(61), കോലഞ്ചേരി(61) എന്നിവര് ആദ്യ സ്ഥാനങ്ങളിലെത്തി. പനയപ്പിള്ളി എംഎംഒവിഎച്ച്എസ്എസ്(53) സ്കൂളുകളില് ഒന്നാമതായി. ഹൈസ്കൂള് വിഭാഗത്തില് മൂവാറ്റുപുഴ(95), പെരുമ്പാവൂര്(93), കോലഞ്ചേരി (91)എന്നിവരാണ് ആദ്യ സ്ഥാനങ്ങളില്. സ്കൂളുകളില് എംപിഎംഎച്ച്എസ്(89), എടവനക്കാട് ഹിദായത്തുല് ഇസ്ലാം എച്ച്എസ്എസ്(64) എന്നിവര് ഒന്നും രണ്ടും സ്ഥാനങ്ങള് നേടി.
പ്രതികരിക്കാൻ ഇവിടെ എഴുതുക: