ഗണേശ സ്കന്ദ സംപീതകുചകുംഭദ്വയാന്വിതാ
ചന്ദനാഗരുകര്പൂര കുങ്കുമാലംകൃതസ്തനീ
49. ഗണേശസ്കന്ദസംപീതകുചകുംഭദ്വയാന്വിതാ: ഗണേശനും സ്കന്ദനും പാനം ചെയ്ത കുചകുംഭങ്ങളുള്ളവള്. ശിവശക്തികളുടെ സന്താനങ്ങളാണ് ഗണേശനും സ്കന്ദനും. അമ്മയായ ദേവി മുലപ്പാലൂട്ടി അവരെ വളര്ത്തി. ആ സ്തന്യത്തിന്റെ മാഹാത്മ്യംകൊണ്ട് അവര് ലോകഗതിയെ നിയന്ത്രിക്കാന് പ്രാപ്തരായി വളര്ന്നു. കുചകുംഭം എന്ന പ്രയോഗം ദേവിയുടെ സൗന്ദര്യത്തെയും സൂചിപ്പിക്കുന്നു.
”സമം ദേവി സ്കന്ദദ്വിപവദനപീതം സ്തനയുഗം
തവേദം നഃ ഖേദം ഹരതു സതതം പ്രസ്നുതമുഖം
യദാലോക്യാശങ്കാകുലിതഹൃദയോ ഹാസജനകഃ
സ്വകുംഭൗ ഹേരംബഃ പരിമൃശതി ഹസ്തേന ഝടിതി”
(അല്ലയോ ദേവീ, സ്കന്ദനാലും ഗജമുഖനാലും ഒരേ സമയം പാനം ചെയ്യപ്പെട്ടവയും എപ്പോഴും പാലൂറുന്ന മുഖമുള്ളവയുമായ നിന്തിരുവടിയുടെ സ്തനദ്വയം ഞങ്ങളുടെ ദുഃഖങ്ങളെ ഹരിക്കട്ടെ. ഈ സ്തനദ്വയത്തെ കണ്ടിട്ട് മസ്തകത്തെ തപ്പി നോക്കുന്നു. സൗന്ദര്യലഹരി. 72)
ഈ സൗന്ദര്യലഹരീ ശ്ലോകം ഈ നാമത്തിന്റെ ആശയം ഉള്ക്കൊള്ളുന്നു.
50. ചന്ദനാഗരുകര്പൂരകുങ്കുമാലംകൃതസ്തനീ: ചന്ദനം, അകില്, കര്പ്പൂരം, കുങ്കുമം തുടങ്ങിയവ ചേര്ത്തുണ്ടാക്കിയ സുഗന്ധിയായ കറിക്കൂട്ടുകൊണ്ട് അലങ്കരിക്കപ്പെട്ട മുലകളുള്ളവള്.
…. തുടരും
പ്രതികരിക്കാൻ ഇവിടെ എഴുതുക: