കാഞ്ഞിരപ്പള്ളി: കാഞ്ഞിരപ്പള്ളി – എരുമേലി തീര്ത്ഥാടനപാതയില് നിയന്ത്രണം വിട്ട വാന് മറിഞ്ഞ് 2 പേര്ക്ക് പരിക്കേറ്റു. മലപ്പുറം, പുളിക്കല് റിയാസ് (28), തീക്കോയി ഒറ്റയില് ഉല്ലാസ് (28) എന്നിവര്ക്കാണ് പരിക്കേറ്റത്. ഇവരെ ഇരുപത്തിയാറാമൈലിലെ സ്വകാര്യ ആശുപത്രിയില് പ്രവേശിപ്പിച്ചു. ബുധനാഴ്ച രാത്രി 10.30നാണ് സംഭവം. ഇരുപത്തിയാറാം മൈല് കവലയ്ക്കും ഒന്നാംമൈലിനുമിടയിലാണ് അപകടം. പത്തനംതിട്ടയില് നിന്നും ബേക്കറി സാധനങ്ങളുമായി കാഞ്ഞിരപള്ളിക്ക് വന്ന ഡെലിവറി വാനാണ് അപകടത്തില് പെട്ടത്. ഇതുകാരണം തീര്ത്ഥാടനപാതയില് അരമണിക്കൂര് ഗതാഗതം തടസ്സപ്പെട്ടു. പോലീസും അഗ്നിശമനസേനയും എത്തിയാണ് ഗതാഗതം പുനസ്ഥാപിച്ചത്.
പ്രതികരിക്കാൻ ഇവിടെ എഴുതുക: