ഉമ്മന്ചാണ്ടി സമൂഹത്തിന് മുന്നില് പരിഹാസ്യനാണ്. ‘പൊതു സമൂഹത്തിന്റെ സാമൂഹിക ,ആരോഗ്യ സുരക്ഷിതത്വത്തിനു പ്രാധാന്യമുള്ള പ്രവര്ത്തനങ്ങളാണ് സര്ക്കാര് ചെയ്യേണ്ടത് .അല്ലാതെ ബാര് മുതലാളിമാരുടെ സമ്പത്തിന്റെ് സുരക്ഷിതത്വം ഉണ്ടാക്കാനുള്ള പ്രവര്ത്തികള് അല്ല ഒരു ജനകീയ സര്കാരില് നിന്നും വരേണ്ടത്. വളരെ പ്രതീക്ഷയോടെയാണ് മദ്യനയത്തെ സമൂഹം നോക്കിക്കണ്ടിരുന്നത്. സര്ക്കാരിന്റെ മദ്യനയത്തെ അട്ടിമറിക്കാന് മാത്രം മദ്യലോബി ശക്തമാണെന്ന് യുഡിഎഫ് സര്ക്കാരിന്റെ തീരുമാനത്തോടെ സമൂഹം മനസിലാക്കി.
പ്രതിസന്ധികളെ അതിജീവിച്ച് സമൂഹത്തിന് ഗുണകരമായ പ്രവര്ത്തനങ്ങള് നടത്തുന്ന സര്ക്കാരാണ് ജനകീയസര്ക്കാര് എന്ന് പറയുന്നത്. അല്ലാതെ എടുത്ത തീരുമാനം സമ്മര്ദ്ദത്തിനുവഴങ്ങി പിന്നോട്ടു പോയാല് ജനം നിങ്ങളെ വിലയിരുത്തും. നാട്ടിലെ ജനങ്ങള് മുഴുവനും മദ്യത്തിന് അടിമപ്പെട്ട് സാമൂഹിക അന്തരീക്ഷം തകര്ന്നാലും വേണ്ടില്ല ബാര് മുതലാളിമാരെ പിണക്കരുതെന്ന് സര്ക്കാര് വാശിപിടിക്കുമ്പോള് ബാര് മുതലാളിമാരുടെ പണത്തിനുമീതെ പറക്കാന് കഴിയുന്ന വോട്ടര്മാര് ഇവിടെയുണ്ടെന്ന് മനസിലാക്കുക .കോഴവാങ്ങിക്കുവാന് നിയമം നിര്മിച്ച് ബാറുമുതലാളിമാരെ മുള്മുനയില് നിര്ത്തുകയും കോഴ ലഭിച്ചാല് നിയമം പിന്വലിക്കുകയും ചെയ്യുന്ന നെറികെട്ട നയംനടപ്പാക്കുന്ന ഉമ്മന്ചാണ്ടിയും യുഡിഎഫും നാടിന്നും നാട്ടുകാര്ക്കും അപമാനമാണ്.
അശോക് ബോസ്
പ്രതികരിക്കാൻ ഇവിടെ എഴുതുക: