കാലടി: ജാതീയമായ ഉച്ചനീചത്തങ്ങള്ക്കെതിരെ പോരാടി ചരിത്രംകുറിച്ച പോരാളികളായ അയ്യങ്കാളിയും നാരായണഗുരുവും ഉള്പ്പെടെയുള്ള നവോത്ഥാന നായകര് നടത്തിയ പോരാട്ടത്തിന്റെ മുഴുവന് നേട്ടങ്ങളും അഭിനവ മേലാളന്മാര് തച്ചുതകര്ക്കുകയാണെന്ന് പ്രൊഫ. പി. വി. പീതാംബരന് പറഞ്ഞു.
പുതിയ കാലഘട്ടത്തിനിണങ്ങുന്നപടി ഈ പോരാട്ടങ്ങള്ക്ക് തുടര്ച്ചയുണ്ടാകണമെന്നും അദ്ദേഹം പറഞ്ഞു. അയ്യങ്കാളി നടത്തിയ കാര്ഷിക സമരത്തിന്റെ ശതാബ്ദി ആചരണ കമ്മിറ്റിയുടെ കാലടി മേഖല നടത്തിയ വിശദീകരണയോഗം നീലീശ്വരത്ത് ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.
യോഗത്തില് എ. എ. ഗംഗാധരന് മാസ്റ്റര് അദ്ധ്യക്ഷനായിരുന്നു. ശതാബ്ദി ആചരണ കമ്മിറ്റി സംസ്ഥാന സമിതിയംഗം എന്. കെ. ബിജു മുഖ്യപ്രസംഗം നടത്തി. ത്രിദിന നവോത്ഥാനശക്തി എക്സിബിഷന് തൃപ്പൂണിത്തുറയില് ഇന്നാരംഭിക്കുമെന്നും ചരിത്രാനേ്വഷകര്ക്ക് ഇതൊരു പാഠപുസ്തകമായിരിക്കുമെന്നും എന്. കെ. ബിജു അഭിപ്രായപ്പെട്ടു. മലയാറ്റൂര് നീലീശ്വരം പഞ്ചായത്ത് മെമ്പര് ടി. ഡി. സ്റ്റീഫന്, പി. പി. അഗസ്റ്റിന്, പി. വി. റജീഷ് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: