ബ്രിസ്ബെയ്ന്: ബ്രിസ്ബെയ്ന് ഇന്റര്നാഷണല് ടെന്നീസ് ചാമ്പ്യന്ഷിപ്പിന്റെ വനിതാ സിംഗിള്സ് കിരീടം റഷ്യയുടെ മരിയ ഷറപ്പോവക്ക്. പുരുഷവിഭാഗത്തില് റോജര് ഫെഡററും മിലോസ് റാവോനിക്കും ഫൈനലില് പ്രവേശിച്ചു.
ഇന്നലെ നടന്ന വനിതാ സിംഗിള്സ് ഫൈനലില് രണ്ടാം സീഡ് അന്ന ഇവാനോവിക്കിനെ മൂന്ന് സെറ്റ് നീണ്ട ആവേശകരമായ ഫൈനലില് പരാജയപ്പെടുത്തിയാണ് ഒന്നാം സീഡ് മരിയ ഷറപ്പോവ ഫൈനലില് പ്രവേശിച്ചത്. സ്കോര്: 6-7 (4-7), 6-3, 6-3.
പുരുഷ വിഭാഗം സിംഗിള്സ് സെമിയില് സ്വിസ് ഇതിഹാസവും ഒന്നാം സീഡുമായ റോജറര് ഫെഡറര് 6-2, 6-2 എന്ന സ്കോറിന് നാലാം സീഡ് ബള്ഗേറിയുടെ ഗ്രിഗോര് ദിമിത്രിയേവിനെ പരാജയപ്പെടുത്തിയാണ് ഫൈനലില് പ്രവേശിച്ചത്. മറ്റൊരു മത്സരത്തില് കനേഡിയന് താരവും ടൂര്ണമെന്റിന്റെ മൂന്നാം സീഡുമായ മിലോസ് റാവോനിക്ക് വാശിയേറിയ മൂന്ന് സെറ്റ് നീണ്ട പോരാട്ടത്തിനൊടുവില് രണ്ടാം സീഡ് ജപ്പാന്റെ കി നിഷികോരിയെ തകര്ത്താണ് കലാശപ്പോരാട്ടത്തിന് യോഗ്യത നേടിയത്. സ്കോര്: 7-6 (7-4), 6-7 (4-7), 6-7 (4-7).
പ്രതികരിക്കാൻ ഇവിടെ എഴുതുക: