കോട്ടയം: കൃഷി വകുപ്പ്, കാര്ഷിക സര്വ്വകലാശാല, കൃഷി വിജ്ഞാന് കേന്ദ്രം എന്നിവയുടെ സഹകരണത്തോടെ ആത്മ (അഗ്രിക്കള്ച്ചറല് ടെക്നോളജി മാനേജ്മെന്റ് ഏജന്സി) സംഘടിപ്പിച്ച കാര്ഷിക സാങ്കേതിക സംഗമം ‘പ്രതീക്ഷ – 2015’ ആരംഭിച്ചു. ജില്ലാതല ഉദ്ഘാടനം മണര്കാട് സെന്റ് മേരീസ് ചര്ച്ച് പാരിഷ്ഹാളില് ജില്ലാ പഞ്ചായത്ത് പ്രസിഡന്റ് നിര്മ്മല ജിമ്മി നിര്വ്വഹിച്ചു.
കാര്ഷിക മേഖലയിലെ ജയപരാജയങ്ങള് ചര്ച്ചചെയ്യാനും കാരണങ്ങള് കണ്ടെത്താനും പുതിയ സാങ്കേതിക മാര്ഗ്ഗങ്ങള് അവലംബിച്ച് സാധ്യതയുള്ള പഴയ കൃഷിരീതികളെ തിരിച്ചുകൊണ്ടുവരുന്നതിനും കാര്ഷിക സംഗമങ്ങള് വേദിയാക്കണമെന്ന് ജില്ലാ പഞ്ചായത്ത് പ്രസിഡന്റ് നിര്മ്മല ജിമ്മി പറഞ്ഞു .പാമ്പാടി ബ്ലോക്ക് പഞ്ചായത്ത് പ്രസിഡന്റ് റോസമ്മ സാബു അദ്ധ്യക്ഷത വഹിച്ചു. കൃഷിവകുപ്പ് ഡപ്യൂട്ടി ഡയറക്ടര് ലാലിയമ്മ ജോസഫ് മുഖ്യപ്രഭാഷണം നടത്തി.
ചടങ്ങില് ആത്മയുടെ ഫാം പ്ലാനര് പ്രകാശനം ജില്ലാ പഞ്ചായത്തു മെമ്പര് ഫില്സണ് മാത്യൂസും കാര്ഷിക സെമിനാറിന്റെയും പ്രദര്ശനത്തിന്റെയും ഉദ്ഘാടനം മണര്കാട് പഞ്ചായത്ത് പ്രസിഡന്റ് ബാബു.കെ.കോരയും നിര്വ്വഹിച്ചു. ജില്ലയിലെ 11 ബ്ലോക്കിലുള്ള ആത്മയുടെ മുപ്പതോളം യൂണിറ്റുകളില് നിന്നും കൃഷി ഉല്പ്പന്നങ്ങളും നൂതന കൃഷി യന്ത്രങ്ങളും വില്പ്പനയ്ക്കും പ്രദര്ശനത്തിനുമായി സജ്ജീകരിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: