തിരുവനന്തപുരം: ബാര് കോഴ കേസില് ആരോപണ വിധേയനായ ധനമന്ത്രി കെ.എം.മാണി രാജിവെയ്ക്കണമെന്ന് ആവശ്യപ്പെട്ട് മന്ത്രിയുടെ ഔദ്യോഗിക വസതിയിലേയ്ക്ക് ഡിവൈഎഫ്ഐ നടത്തിയ മാര്ച്ചില് സംഘര്ഷം.
പ്രവര്ത്തകരെ പിരിച്ചുവിടാന് പോലീസ് ജലപീരങ്കിയും കണ്ണീര്വാതകവും പ്രയോഗിച്ചു. പോലീസിന് നേരെ പ്രവര്ത്തകര് കല്ലെറിഞ്ഞു. ചില സമരക്കാര്ക്ക് സംഘര്ഷങ്ങളില് പരിക്കേറ്റിട്ടുണ്ട്.
മാണിക്കെതിരേ മുദ്രാവാക്യവുമായി എത്തിയ ഇരുനൂറോളം പ്രവര്ത്തകരെ പോലീസ് ദേവസ്വം ബോര്ഡ് ജംഗ്ഷനില് ബാരിക്കേഡ് ഉപയോഗിച്ച് തടഞ്ഞതോടെയാണ് സംഘര്ഷം തുടങ്ങിയത്. ബാരിക്കേഡ് തള്ളിമാറ്റാന് ശ്രമിച്ച പ്രവര്ത്തകരെ പിരിച്ചുവിടാന് പോലീസ് ആദ്യം ജലപീരങ്കി പ്രയോഗിച്ചു. തുടര്ന്ന് പ്രവര്ത്തകര് കല്ലെറിഞ്ഞതോടെ പോലീസ് കണ്ണീര് വാതകവും പ്രയോഗിക്കുകയായിരുന്നു.
പിരിഞ്ഞു പോയ പ്രവര്ത്തകര് വീണ്ടും സംഘടിച്ച് എത്തി ബാരിക്കേഡിന് മുന്നില് കുത്തിയിരുന്നു. തുടര്ന്ന് നടന്ന ധര്ണ സിപിഎം കേന്ദ്ര കമ്മിറ്റി അംഗം എ.വിജയരാഘവന് ഉദ്ഘാടനം ചെയ്തു.
പ്രതികരിക്കാൻ ഇവിടെ എഴുതുക: