തായ്പേയ്: ട്രാന്സ് ഏഷ്യ എയര് വേഴ്സിന്റെ എ.ടി.ആര്ഫ72 വിമാനം തായ്പേയിലെ നദിയില് തകര്ന്നുവീണ് ഒന്പതു പേര് കൊല്ലപ്പെട്ടതായി സൂചന.
58 പേരുണ്ടായിരുന്ന വിമാനം തായ് തലസ്ഥാനത്തുനിന്നും കിന് മെന് ദ്വീപിലേക്ക് പോവുകയായിരുന്നു. അപകടത്തില് നിന്നും രക്ഷപ്പെട്ട രണ്ട് കുട്ടികളുള്പ്പടെയുള്ള 17 പേരെ ആശുപത്രിയില് പ്രവേശിപ്പിച്ചു.
ബുധനാഴ്ച രാവിലെ ഉയര്ന്നുപൊങ്ങിയതിന് തൊട്ടുടനെയാണ് വിമാനം തകര്ന്നു വീണതെന്ന് അധികൃതര് അറിയിച്ചു. രക്ഷാപ്രവര്ത്തനം തുടരുകയാണെന്നും തായ് വാന് വ്യോമയാന അതോരിറ്റി ഡയറക്ടര് ലി ചിന് മിങ് അറിയിച്ചു.
രണ്ട് എന്ജിനുള്ള ചെറിയ വിമാനമാണ് എ.ടി.ആര്72. ഫ്രഞ്ച് നിര്മിത വിമാനമാണിത്. കഴിഞ്ഞ ജൂലൈയില് ട്രാന്സ് എഷ്യയുടെ ഇതേ സീരീസില് പെട്ട വിമാനം തകര്ന്നുവീണിരുന്നു. പെന്ഗു ദ്വീപില് ലാന്ഡ് ചെയ്യുന്നതിനിടെയുണ്ടായ അപകടത്തില് 48 പേര് കൊല്ലപ്പെട്ടിരുന്നു.
പ്രതികരിക്കാൻ ഇവിടെ എഴുതുക: