കൊല്ലം: വരള്ച്ച രൂക്ഷമായിക്കൊണ്ടിരിക്കുന്ന സാഹചര്യത്തില് കുടിവെള്ള പദ്ധതികള് സമയബന്ധിതമായി നടപ്പാക്കണമെന്ന് കെ.എന്.ബാലഗോപാല് എംപി നിര്ദേശിച്ചു. ജില്ലാ കളക്ടര് ഡോ.എ.കൗശിഗന്റെ അധ്യക്ഷതയില് കളക്ട്രേറ്റില് ചേര്ന്ന എംപി ഫണ്ട് അവലോകന യോഗത്തില് സംസാരിക്കുകയായിരുന്നു അദ്ദേഹം. പട്ടികവര്ഗവിഭാഗങ്ങള്ക്ക് അനുവദിക്കുന്ന പണം സമയബന്ധിതമായും ഗുണനിലവാരത്തോടെയും പ്രയോജനപ്പെടുത്തുന്നുവെന്ന് ഉറപ്പ് വരുത്തണം. മാലിന്യനിര്മാര്ജന പ്രവര്ത്തനങ്ങള്ക്ക് എംപി ഫണ്ട് ഉപയോഗിക്കുന്നതിന് കഴിയണമെന്ന് അദ്ദേഹം പറഞ്ഞു.
പ്രാദേശിക വികസനപദ്ധതിയില് കെ.എന്.ബാലഗോപാല് എംപി 75 ശതമാനം തുക വിനിയോഗിച്ചു.
ഭരണാനുമതി ലഭിച്ച 890 ലക്ഷം രൂപയില് 669 ലക്ഷം രൂപയാണ് വിവിധ പദ്ധതികള്ക്കായി ചെലവഴിച്ചത്. ജില്ലയില് ആകെ 63 നിര്മാണ പ്രവര്ത്തനങ്ങളാണ് നടന്നുവരുന്നത്. ഇതില് 2010-11ലെ രണ്ടും 2011-12 ലെ നാലും പദ്ധതികള് ഉള്പ്പെടുന്നു. 2012-13ലെ മൂും 2013-14ലെ 29ഉം 2014-15 ലെ 25ഉം നിര്മാണപ്രവര്ത്തനങ്ങളുണ്ട്. യോഗത്തില് ജില്ലാ പ്ലാനിംഗ് ഓഫീസര് കെ.രാജേന്ദ്രന്, ഫിനാന്സ് ഓഫീസര് കെ.ജി.ജയശങ്കര് തുടങ്ങിയവര് പങ്കെടുത്തു.
പ്രതികരിക്കാൻ ഇവിടെ എഴുതുക: