കൊല്ലം: ബിഎംഎസിന്റെ അറുപതാം വാര്ഷികാഘോഷത്തിന്റെ ഭാഗമായി സമ്പൂര്ണ ജില്ലാസമ്മേളനഭാഗമായി 14ന് വൈകിട്ട് മൂന്നിന് ആശ്രാമം മൈതാനത്ത് നിന്നും പതിനായിരത്തില്പരം തൊഴിലാളികള് പങ്കെടുക്കുന്ന പ്രകടനം നടക്കും. തുടര്ന്ന് താലൂക്ക് കച്ചേരി ജംഗ്ഷനില് നടക്കുന്ന പൊതുസമ്മേളനം ബിഎംഎസ് സംസ്ഥാന ഡെപ്യൂട്ടി ജനറല്സെക്രട്ടറി എം.പി.രാജീവന് ഉദ്ഘാടനം ചെയ്യും.
ജില്ലാ പ്രസിഡന്റ് ബി.ശിവജി സുദര്ശനന്റെ അദ്ധ്യക്ഷതയില് ചേരുന്ന പൊതുസമ്മേളനത്തില് ജില്ലാസെക്രട്ടറി ടി.രാജേന്ദ്രന്പിള്ള സ്വാഗതവും ജില്ലാ ജോയിന്റ് സെക്രട്ടറി കെ.ശിവരാജന് നന്ദിയും പറയും. ചിന്നക്കട ജില്ലാ സഹകരണ ബാങ്ക് ഓഡിറ്റോറിയത്തില് നാളെ രാവിലെ 9.30ന് നടക്കുന്ന പ്രതിനിധി സമ്മേളനത്തില് 1387 പ്രതിനിധികള് പങ്കെടുക്കും.
പ്രതിനിധി സമ്മേളനം സംസ്ഥാന ജനറല്സെക്രട്ടറി എം.പി.ചന്ദ്രശേഖരന് ഉദ്ഘാടനം ചെയ്യും. ആര്എസ്എസ് സഹപ്രാന്തപ്രചാരക് കെ.വേണു പ്രഭാഷണം നടത്തും. സംസ്ഥാന സെക്രട്ടറി ജി.കെ.അജിത് സംഘടനാ ചര്ച്ച നയിക്കും. സംസ്ഥാന സെക്രട്ടറി സി.വി.രാജേഷ് സമാരോപ് പ്രഭാഷണം നടത്തും. സമ്മേളനത്തില് അസംഘടിത മേഖലയിലെ തൊഴിലാളികളെ ഇഎസ്ഐ പരിധിയില് കൊണ്ടുവരിക, വിലക്കയറ്റം നിയന്ത്രിക്കാന് സര്ക്കാര് ഇടപെടുക, ഡോ.മീനാകുമാരി കമ്മീഷന് റിപ്പോര്ട്ട് തള്ളിക്കളയുക, തൊഴില് നിയമ ഭേദഗതികള് ട്രേഡ് യൂണിയനുകളുമായി ചര്ച്ചചെയ്ത് നടപ്പിലാക്കുക എന്നീ പ്രമേയങ്ങള് ചര്ച്ച ചെയ്യും.
പ്രതികരിക്കാൻ ഇവിടെ എഴുതുക: