കോട്ടയം: ഭാരതം നിലനില്ക്കുന്നത് ധര്മ്മത്തിലാണെന്ന് മാര്ഗ്ഗദര്ശക മണ്ഡലം സംസ്ഥാന സെക്രട്ടറി സ്വാമി സത്സ്വരൂപാനന്ദസരസ്വതി. വിശ്വഹിന്ദുപരിഷത്ത് കോട്ടയം ജില്ല സുവര്ണ്ണജയന്തി ഹിന്ദുസമ്മേളനം ദീപപ്രോജ്ജ്വലനം ചെയ്ത ശേഷം അനുഗ്രഹപ്രഭാഷണം നടത്തുകയായിരുന്നു അദ്ദേഹം. ധര്മ്മമായിരിക്കണം നമുക്ക് ഒരോരുത്തരിലും അടിസ്ഥാനമായി പ്രവര്ത്തിക്കേണ്ട ചോദന. എങ്ങനെ നമ്മളെ ഉത്തരോത്തരം ശ്രേഷ്ടമാക്കി തീര്ക്കാമെന്ന് പൂര്വികന്മാര് നമ്മെ പഠിപ്പിച്ചിട്ടുള്ളതാണ്. അതിനായി മനുഷ്യന് അഹങ്കരം വെടിയണം. നാം ഓരോരുത്തരും അഗ്നിയായി തീര്ന്ന് ആ അഗ്നിയില് നിന്ന് ഈ ലോകത്തിന് ജീവിക്കുവാനുള്ള വെളിച്ചം കിട്ടുന്നതിനുള്ള സാഹചര്യം നമ്മളില് നിന്നും ഉണ്ടാകണമെന്നും അദ്ദേഹം കൂട്ടിച്ചേര്ത്തു.
തുടര്ന്ന് വാഴൂര് തീര്ത്ഥപാദാശ്രമം സ്വാമി ഗരുഡധ്വജാനന്ദതീര്ത്ഥപാദര് അനുഗ്രഹ പ്രഭാഷണം നടത്തി. സനാധന ധര്മ്മത്തിന്റെ ഈറ്റില്ലമായ ഭാരതത്തില് നമ്മള് സുരക്ഷിതരാണോ എന്ന കാര്യത്തേക്കുറിച്ച് ചിന്തിക്കണം. ലോകത്തില് ബുദ്ധി ഉള്ളവര് ഉള്ളയിടത്തോളം കാലം സനാധന ധര്മ്മത്തിന് യാതൊരു കോട്ടവും സംഭവിക്കില്ല. സനാധന ധര്മ്മം എന്നും അജയ്യമായിതന്നെ ലോകത്തില് നിലനില്ക്കും. ഹിന്ദുക്കള് ഇപ്പാള് ന്യൂനപക്ഷമായിക്കൊണ്ടിരിക്കുകയാണെന്നും ഇതിനെതിരെ സംഘടിക്കാന് തയ്യാറാവണമെന്നും അദ്ദേഹം കൂട്ടിച്ചേര്ത്തു.
സുവര്ണ്ണ ജയന്തി സ്വാഗതസംഘം അദ്ധ്യക്ഷന് സൂര്യന് സുബ്രഹ്മണ്യന് ഭട്ടതിരിപ്പാട് അദ്ധ്യക്ഷ പ്രസംഗം നടത്തി. വിഎച്ച്പി സബരിഗിരി വിഭാഗ് സംഘടനാ സെക്രട്ടറി കെ. ജയകുമാര് ആമുഖ പ്രസംഗം നടത്തി. സംസ്ഥാന ട്രഷറര് കെ.പി നാരായണന്, സംസ്ഥാന ഗവേണിംഗ് കൗണ്സില് അംഗം എം.എസ്. പത്മനാഭന്, മാതൃശക്തി സംസ്ഥാന സംയോജിക അഡ്വ. ഗീതാ ശങ്കര്, ആര്എസ്എസ് ജില്ലാ സംഘചാലക് എ. കേരളവര്മ്മ, കേരള സാംബവ ഹിന്ദു സമാജം ജില്ലാ സെക്രട്ടറി സി.എസ്. രമേശ്, പട്ടിക ജാതി, പട്ടിക വര്ഗ്ഗ സംരക്ഷണ സമിതി ജില്ലാ ട്രഷറര് ശിവരാജന്, അഖില കേരള വിശ്വകര്മ്മ മഹാസഭ താലൂക്ക് യൂണിയന് പ്രസിഡന്റ് ഒ.ആര്. രാജേഷ്, ഭരതര് മഹാജനസഭ സംസ്ഥാനകമ്മറ്റി അംഗം മണികുമാര് കുമ്മനം തുടങ്ങിയവര് ആശംസാ പ്രസംഗം നടത്തി. ഹിന്ദുഐക്യവേദി സംസ്ഥാന ജനറല് സെക്രട്ടറി കെ.പി. ഹരിദാസ് പ്രഭാഷണം നടത്തി. സംസ്ഥാന സത്സംഗപ്രമുഖ് കെ.എസ്. ഓമനക്കുട്ടന്, ജില്ലാ രക്ഷാധികാരി എം.വി.എം. നായര്, ജില്ലാ പ്രസിഡന്റ് കെ.പി. ബാലചന്ദ്രന്പിള്ള, പൊന്കുന്നം ജില്ലാ പ്രസിഡന്റ് എന്.കെ. മഹാദേവന്, പൊന്കുന്നം ജില്ലാ വര്ക്കിംഗ് പ്രസിഡന്റ് എ.കെ. സോമശേഖരന്, ജില്ലാ വൈസ് പ്രസിഡന്റ് എം.കെ. ബാലഗോപാലന്, പൊന്കുന്നം ജില്ലാ വൈസ് പ്രസിഡന്റ് എം. സുശീലദേവി എന്നിവര് സമ്മേളനത്തില് പങ്കെടുത്തു. സ്വാഗതസംഘം ജനറല് കണ്വീനര് പി.കെ. ഗോപാലകൃഷ്ണന് സ്വാഗതവും പൊന്കുന്നം ജനറല് സെക്രട്ടറി എം.എന്. രാധാകൃഷ്ണന് നന്ദിയും രേഖപ്പെടുത്തി.
പ്രതികരിക്കാൻ ഇവിടെ എഴുതുക: