തിരുവനന്തപുരം: ദേശീയ ഗെയിംസിലെ അഴിമതികള് അന്വേഷിക്കുക, ബാര് കോഴ വിഷയത്തില് കുറ്റാരോപിതനായ ധനമന്ത്രി കെ.എം.മാണി രാജിവയ്ക്കുക എന്നീ ആവശ്യങ്ങള് ഉന്നയിച്ച് ഡിവൈഎഫ്ഐ നടത്തിയ സെക്രട്ടറിയേറ്റ് മാര്ച്ചില് സംഘര്ഷം.
പ്രവര്ത്തകര് പോലീസിന് നേരെ കല്ലെറിഞ്ഞതിനെ തുടര്ന്ന് പോലീസ് ജലപീരങ്കി പ്രയോഗിച്ചു. യൂണിവേഴ്സിറ്റി കോളജിന് മുന്നില് നിന്നും പ്രകടനമായി എത്തിയ പ്രവര്ത്തകരെ പോലീസ് ബാരിക്കേഡ് ഉപയോഗിച്ച് തടഞ്ഞതോടെയാണ് സംഘര്ഷം ആരംഭിച്ചത്.
ബാരിക്കേഡ് തള്ളിമാറ്റാന് പ്രവര്ത്തകര് ശ്രമിച്ചു. ഇതിനിടെ പോലീസിന് നേരെ കല്ലും കമ്പും എറിഞ്ഞ പ്രവര്ത്തകരെ പിരിച്ചുവിടാന് പോലീസ് ജലപീരങ്കി പ്രയോഗിക്കുകയായിരുന്നു.
പ്രതികരിക്കാൻ ഇവിടെ എഴുതുക: