309. ത്രിശൂലകപാലഹസ്താ – ത്രിശൂലവും കപാലവും കൈകളില് ധരിക്കുന്നവള്. (ത്രിശൂലം- മൂന്നു മുനയുള്ള ശൂലം. കപാലം- തലയോട്)
310. ഗുണാഭയപ്രദര്ശിനീ – പാശം എന്ന ആയുധവും അഭയമുദ്രയം പ്രദര്ശിപ്പിക്കുന്ന കൈകളുള്ളവള് (ഗുണം- കയറ്, പാശം)
311. പീതവര്ണ്ണാ – മഞ്ഞനിറമുള്ളവള്.
312.ഗര്വവതീ – ഗര്വമുള്ളവര്. (ഗര്വം- അഭിമാനം, മദം)
313. ബന്ദിന്യാദിഭിരാവൃതാ – ബന്ദിനീ തുടങ്ങിയ ദേവിമാരാല് ചുറ്റും നിന്നും പരിചരിപ്പെടുന്നവള്.
ദധ്യൗദനാസക്തചിത്താ മധുപ്രീതാച കാകിനീ
ദശദലമധ്യസംസ്ഥാ മണിപൂരാബ്ജുവാസിനീ
314 ദധ്യൗദനാസക്തചിത്താ – തൈരു ചേര്ത്ത ചോറ് ഇഷ്ടപ്പെടുന്നവള്.
315. മധുപ്രീതാ – മധുകൊണ്ടു സന്തോഷിക്കുന്നവള്.
316. കാകിനീ – കാകിനീ എന്ന ദേവിയായി രൂപം ധരിച്ചവള്.
ആറുമുഖങ്ങളുള്ള സ്വാധിഷ്ഠാനപദ്ത്തില് നാലുമുഖങ്ങളുള്ള ബ്രഹ്മദേവനാല് ആരാധിക്കപ്പെടുന്നവളും നാലുമുഖങ്ങളുള്ളവളും കൈകളില് ത്രിശൂലവും കപാലവും പാശവും അഭയമുദ്രയും പ്രദര്ശിപ്പിക്കുന്നവളും പീതവര്ണ്ണയും ഗര്വവതിയും ബന്ദിനി തുടങ്ങിയ ദേവിമാരാല് സേവിക്കപ്പെടുന്നവളും ദധ്യൗദനം ഇഷ്ടപ്പെടുന്നവളും മധുപ്രീതയുമായി മൂകാംബികാദേവി കാകിനീരൂപത്തില് സ്ഥിതിചെയ്യുന്നു.
കാകിനീ ദേവി പിണ്ഡാണ്ഡത്തില് മേദസ്സ് എന്ന ധാതുവില് വ്യാപിക്കുന്നവളാണ്. ആ കാര്യം ഈ സ്തോത്രത്തില് പരമാര്ശിച്ചിട്ടില്ല. കാകിനീധ്യാനം ”സ്വാധിഷ്ഠാനാഖ്യം പദ്മ രസദലസിതേ വേദവക്ത്രാം ത്രിനേത്രം ഹസ്താദ്യാം ധാരയന്തീം ശിശിഖഗുണകപാലാഭയാന്യാത്തഗര്വാം മേദോധാതു പ്രതിഷ്ഠാമലിമദമുരിതും ബന്ദിനീമുഖ്യയുക്താം പീതാം ദധേ്യാമനേഷ്ടാമഭിമതം ഫലദാം കാകിനീം ഭാവയാഃ”
317. ദശദലമധ്യസംസ്ഥാ – പത്തുദളങ്ങളുടെ നടുവില് സ്ഥിതിചെയ്യുന്നവള്.
318. മണിപൂരാബ്ജുവാസിനീ – സ്വാധിഷ്ഠാനത്തിനു മുകളില് നാഭിസ്ഥാനത്തുള്ള പത്തുദളങ്ങളുള്ള ആധാരപദ്മമാണു മണിപൂരം. ആ പദ്മത്തില് വസിക്കുന്നവള്.
… തുടരും
പ്രതികരിക്കാൻ ഇവിടെ എഴുതുക: