കോട്ടയം: അഴിമതി ആരോപണ വിധേയനായി അന്വേഷണം നേരിടുന്ന കെ.എം. മാണി രാജിവയ്ക്കണമെന്നാവശ്യപ്പെട്ട് ബിജെപി ജില്ലാ കമ്മറ്റി സംഘടിപ്പിച്ച ഉപരോധസമരം അഴിമതികാര്ക്കുള്ള താക്കീതായിമാറി. കളക്ട്രേറ്റിന്റെ മൂന്ന് ഗയിറ്റിലും രാവിലെ 9 മുതല് പ്രവര്ത്തകര് ഉപരോധം തീര്ത്തിരുന്നു. പ്രധാന ഗെയിറ്റില് ബിജെപി ദേശീയ നിര്വ്വാഹകസമിതിയംഗം സി.കെ. പത്മനാഭന് ഉദ്ഘാടനം ചെയ്തു. പിന്ഭാഗത്തെ ഗെയിറ്റില് ബി. രാധാകൃഷ്ണമേനോനും, ജില്ലാ പഞ്ചായത്ത് ഓഫീസിന് സമീപത്തെ ഗെയിറ്റില് അഡ്വ. നാരായണന് നമ്പൂതിരിയും ഉപരോധത്തിന് നേതൃത്വം നല്കി.
ജില്ലാ പ്രസിഡന്റ് ഏറ്റുമാനൂര് രാധാകൃഷ്ണന്റെ നേതൃത്വത്തില് പ്രധാനഗെയ്റ്റില് നടന്ന ഉപരോധസമരത്തില് സംസ്ഥാന ട്രഷറര് എം.ബി. രാജഗോപാല്, നിര്വ്വഹാകസമിതിയംഗങ്ങളായ പി.കെ. രവീന്ദ്രന്, റ്റി.എന്. ഹരികുമാര്, ജില്ലാ ജനറല് സെക്രട്ടറി കെ.എം. സന്തോഷ്കുമാര്, ഭാരവാഹികളായ ഷൈലമ്മ രാജപ്പന്, എന്.പി. കൃഷ്ണകുമാര്, പ്രൊഫ. പി.കെ. ബാലകൃഷ്ണക്കുറുപ്പ്, മോര്ച്ചകളുടെ ഭാരവാഹികളായ രമേശ് കാവിമറ്റം, കെ.സി. ജോര്ജ്ജ്, വത്സലാ ഹരിദാസ്, എസ്. രതീഷ്, എം.കെ. ഭാസ്കരന്, നിയോജകമണ്ഡലം പ്രസിഡന്റുമാരായ സി.എന്. സുഭാഷ്, കൃഷ്ണകുമാര് നീറിക്കാട് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: