പരിണാമഘട്ടങ്ങളിലൂടെ പ്രവഹിച്ചുകൊണ്ടിരിക്കുന്ന പ്രപഞ്ചത്തിന് ആധാരമായിരിക്കുന്ന സത്യം സൃഷ്ടാവായ ഈശ്വരനാണ്. ഒന്നും പ്രകടമല്ലാത്ത മഹാശൂന്യതയില് അവന് അഗ്നിസ്വരൂപനായി പ്രത്യക്ഷപ്പെടുകയും അവനില്നിന്ന് പ്രപഞ്ചസൃഷ്ടി ആരംഭിക്കുകയും ചെയ്തു. അവന്റെ ഇച്ഛയില് നിന്നാണ് പ്രപഞ്ചസൃഷ്ടി ഉണ്ടായിട്ടുള്ളത്.
ഈശ്വരസാന്നിദ്ധ്യം പ്രവര്ത്തനനിരതമായപ്പോള് പ്രപഞ്ചസൃഷ്ടി ആരംഭിച്ചു എന്നുപറയാം. പ്രവര്ത്തനനിരതമായ ഈശ്വരസാന്നിദ്ധ്യത്തെയാണ് നാം കാലശക്തി എന്നുവിളിക്കുന്ന്. ഈ സൃഷ്ടി പ്രക്രിയ ഒരു മഹായജ്ഞമാണ്. പ്രപഞ്ചമാകുന്ന മഹായജ്ഞവേദിയില് ആ ശക്തി സൃഷ്ടിക്കുകയും രക്ഷിക്കുകയും സംഹരിക്കുകയും വീണ്ടും സൃഷ്ടിക്കുകയും ചെയ്തുകൊണ്ടിരിക്കുന്നു. പ്രപഞ്ചരഹസ്യങ്ങള് മനുഷ്യബുദ്ധിക്ക് അപ്രാപ്യമാണ്. ഈ പ്രപഞ്ചത്തില് സംഭവിച്ചുകൊണ്ടിരിക്കുന്ന സര്വത്തിനും അടിസ്ഥാനം അവന്റെ ഇച്ഛയാണെന്ന സത്യം നാം തിരിച്ചറിയണം. അതിനെ പൂര്ത്തീകരിക്കുകയാണ് പ്രപഞ്ചഗതിയുടെ ലക്ഷ്യം.
വിവിധ സ്റ്റേഷനുകള് പിന്നിട്ട് ട്രെയിന് ലക്ഷ്യസ്ഥാനത്ത് എത്തുന്നതുപോലെ പരിണാമത്തിന്റെ വിവിധ ഘട്ടങ്ങള് താണ്ടി പ്രപഞ്ചം ഏതോ ഒരു ലക്ഷ്യത്തിലേക്ക് പ്രവഹിച്ചുകൊണ്ടിരിക്കുകയാണ്. പ്രപഞ്ചസൃഷ്ടിയായ മനുഷ്യന് ആ ലക്ഷ്യത്തെ തിരിച്ചറിഞ്ഞ് ജീവിക്കണം, അതാണ് നമ്മുടെ ധര്മം.
പ്രതികരിക്കാൻ ഇവിടെ എഴുതുക: