കോട്ടയം: മാലിന്യ രഹിത കോട്ടയമെന്ന ആശയവുമായി നഗരസഭയുടെ മിച്ച ബജറ്റ് വൈസ് ചെയര്പേഴ്സണ് ആലീസ് ജോസഫ് അവതരിപ്പിച്ചു. 1,46,77, 08,409 രൂപ വരവും 1,20,53,55,435 രൂപ ചെലവും 26,23,52,974 രൂപ നീക്കി ബാക്കിയും പ്രതീക്ഷിക്കുന്ന 2015-16 ലേക്കുള്ള ബജറ്റാണ് ഇന്നലെ അവതരിപ്പിച്ചത്. ഇതോടൊപ്പം 1,12,60,04,950 രൂപ വരവും 78,62,73,601 രൂപ ചെലവും 33,97,31,349 രൂപ നീക്കിയിരിപ്പും പ്രതീക്ഷിക്കുന്ന തന് വര്ഷത്തെ പുതുക്കിയ ബജറ്റും അവതരിപ്പിച്ചു.
ഖര-ദ്യവ്യ മാലിന്യ പ്ലാന്റുകള് സ്ഥാപിച്ച് നഗരത്തെ സമ്പൂര്ണ ശുചിത്വ നഗരമാക്കുന്നതിന് 50 ലക്ഷം രൂപ ബജറ്റില് വകകൊളളിച്ചു. കോട്ടയം പട്ടണം മുഴുവന് വൈ-ഫൈ സേവനം ലഭ്യമാക്കുന്നതിന് ബിഎസ്എന്എല് അധികാരികളുമായി ചേര്ന്ന് പദ്ധതി ആവിഷ്കരിക്കാനും ബജറ്റില് പദ്ധതിയുണ്ട്.
വാട്ടര്അതോറിറ്റിയുടെ വെള്ളം വിതരണം ഇല്ലാത്ത സ്ഥലങ്ങളില് ഗുണഭോക്താക്കളുടെ സഹായത്തോടെ മിനി വാട്ടര് സപ്ലൈ സ്കീം നടപ്പാക്കും. 52 വാര്ഡുകളിലും പൈപ്പുലൈന് സ്ഥാപിക്കും. കുഴല് കിണര് നിര്മ്മിക്കും. നഗരസഭ വക കുളങ്ങളും ടാങ്കും വൃത്തിയാക്കും. ഇത്തരം പദ്ധതികള്ക്കായി 50 ലക്ഷം വകയിരുത്തി. പൊതുടാപ്പുകള് നിര്ത്തലാക്കി ഗാര്ഹിക കണക്ഷന് നല്കുന്നതിന് 50 ലക്ഷം രൂപയും വകയിരുത്തിയിട്ടുണ്ട്. നഗരസഭയുടെ 52 വാര്ഡുകളിലുമുള്ള തോടുകളും കുളങ്ങളും പായലും പോളയും നീക്കി ആമ്പല്, താമര എന്നിവ വളര്ത്തി ശുദ്ധീകരിക്കും. തോടുകളുടെ ആഴം വര്ധിപ്പിക്കും.
ചേരി നിര്മാര്ജനത്തിനായി ഒരു കോടി രൂപ വകയിരുത്തി. സാമൂഹ്യ വിരുദ്ധരെ കണ്ടെത്തുന്നതിന് വിവിധ വാര്ഡുകളില് നിരീക്ഷണ കാമറകള് സ്ഥാപിക്കുന്നതിന് 10 ലക്ഷം മാറ്റിവച്ചു. ബസ് സ്റ്റാന്ഡുകളില് വനിതാ ടോയ്ലറ്റുകള് സ്ഥാപിക്കുന്നതിന്15 ലക്ഷം അനുവദിച്ചു. രാജീവ് ഗാന്ധി ഷോപ്പിംഗ് കോംപ്ലക്സ് രണ്ടാം ഘട്ടം നിര്മാണത്തിന് ഒരു കോടിയും വഴി വിളക്കുകള് സ്ഥാപിക്കുന്നതിന് 35 ലക്ഷവും അനുവദിച്ചു. നഗരസഭയ്ക്ക് പുതിയ ഓഫീസ് കെട്ടിടം നിര്മിക്കുന്നതിന്റെ പ്രരംഭ ചെലവിനായി ഒരു കോടി അനുവദിച്ചു. കഞ്ഞിക്കുഴി, കുമാരനല്ലൂര്, ചിങ്ങവനം എന്നിവിടങ്ങളില് ഷോപ്പിംഗ് കോംപ്ലക്സ് നിര്മാണത്തിന് ഒരു കോടി അനുവദിച്ചു.
നഗരത്തില് അലഞ്ഞു തിരിയുന്നവരുടെ പുനരധിവാസത്തിനായി ഒരു കോടി രൂപ വകയിരുത്തി.
ടൂറിസം വികസനത്തിന്റെ ഭാഗമായി കൊടൂരാറ്റില് ഹൗസ് ബോട്ട് പദ്ധതിക്ക് 35 ലക്ഷം വകകൊള്ളിച്ചു. കുമാരനല്ലൂര് മേല്പാലത്തിനു സമീപം എംഎല് റോഡ്, പച്ചക്കറി മാര്ക്കറ്റ് എന്നിവിടങ്ങളില് പാര്ക്കിംഗ് സൗകര്യം ഏര്പ്പെടുത്താനും ബജറ്റില് പദ്ധതിയുണ്ട്.
പ്രതികരിക്കാൻ ഇവിടെ എഴുതുക: