ആലപ്പുഴ: മാനസിക ബുദ്ധിമുട്ടുള്ള ചെറുപ്പക്കാരനോട് മോശമായി പെരുമാറിയ പോലീസുകാരെ താക്കീത് ചെയ്യണമെന്ന് സംസ്ഥാന മനുഷ്യാവകാശ കമ്മീഷന് അംഗം (ജുഡീഷ്യല്) ആര്. നടരാജന് ജില്ലാ പോലീസ് മേധാവിക്ക് നിര്ദ്ദേശം നല്കി. മുഹമ്മ പോലീസിനെ താക്കീത് ചെയ്യണമെന്നാണ് നിര്ദ്ദേശം.
2014 ഏപ്രില് 30ന് രാത്രി മുഹമ്മ സ്റ്റേഷനിലെത്തിയ തന്നെ പോലീസുകാര് കരണത്തടിച്ചുവെന്ന് ആരോപിച്ച് കായിപ്പുറം സ്വദേശിയായ യുവാവ് സമര്പ്പിച്ച പരാതിയിലാണ് നടപടി. അടികിട്ടിയ ഉടന് ക്ഷേത്രത്തിനുള്ളിലേക്ക് ഓടികയറി രക്ഷപ്പെട്ടു. മനുഷ്യാവകാശ കമ്മീഷന് ഡിവൈഎസ്പി ഇത് സംബന്ധിച്ച് അനേ്വഷണം നടത്തിയിരുന്നു.
യുവാവിന് മാനസിക ബുദ്ധിമുട്ട് ഉണ്ടെന്നു മനസിലാക്കിയ പോലീസുകാര് അയാളെ പുറത്തേയ്ക്ക് വിടാതെ ശാന്തനാക്കി നിയമമാര്ഗം സ്വീകരിക്കണമായിരുന്നെന്ന് കമ്മീഷന് നിരീക്ഷിച്ചു. മേലില് ഇത്തരം ആക്ഷേപങ്ങള്ക്ക് ഇടനല്കാതെ പ്രവര്ത്തിക്കണമെന്ന് പോലീസുകാര്ക്ക് നിര്ദ്ദേശം നല്കണമെന്നും ഉത്തരവില് പറയുന്നതായി കമ്മീഷന് അറിയിച്ചു.
പ്രതികരിക്കാൻ ഇവിടെ എഴുതുക: