സതാംപ്ടണ്: ഓള് റൗണ്ടര് ഷാക്കിബ് അല് ഹസന് പിന്നാലെ മുഷ്ഫിഖുര് റഹിമും അര്ധ സെഞ്ചുറി കുറിച്ചതോടെ ബംഗ്ലാദേശിന് ഭേദപ്പെട്ട സ്കോര്. ലോകകപ്പില് അഫ്ഗാനിസ്ഥാനെതിരായ മത്സരത്തില് അവര് 50 ഓവറില് ഏഴു വിക്കറ്റിന് 262 റണ്സ് നേടി.
മുഷ്ഫിഖുര് റഹിം 87 പന്തില് 83 റണ്സ് അടിച്ചെടുത്തു. നാല് ഫോറും ഒരു സിക്സറും നേടി. ഷാക്കിബ് അല് ഹസന് 69 പന്തില് ഒരു ബൗണ്ടറിയുടെ പിന്ബലത്തില് 51 റണ്സ് കുറിച്ചു. തമീം ഇക്ബാല് (36), മൊസാദ് ഹുസൈന് (35) എന്നിവരും ഭേദപ്പെട്ട പ്രകടനം നടത്തി.
ബാറ്റിങ്ങിനയക്കപ്പെട്ട ബംഗ്ലാദേശിന്റെ തുടക്കം മോശമായി. 23 റണ്സിന് ആദ്യ വിക്ക്റ്റ് വീണു. ഓപ്പണര് ലിട്ടന് ദാസ് മുജീബുര് റഹ് മാന്റെ പന്തില് ഷാഹിദിക്ക് പിടികൊടുത്തു. പതിനാറ് റണ്സാണ് ദാസിന്റെ സമ്പാദ്യം.
ഷാക്കിബ് അല് ഹസനും തമീം ഇക്ബാലും പൊരുതിനിന്നതോടെ സ്കോര്ബോര്ഡില് റണ്സ് കയറി. രണ്ടാം വിക്കറ്റിന് ഇവര് 59 റണ്സ് കൂട്ടിച്ചേര്ത്തു. തമീം ഇക്ബാല് 53 പന്തില് നാല് ബൗണ്ടിയുള്പ്പെടെ 36 റണ്്സ് നേടിയാണ് മടങ്ങിയത്. തമീമിന് പിന്നാലെ ഷാക്കിബും മടങ്ങി.
അവസാന ഓവറുകളില് മൊസാദക് ഹുസൈനും മുഷ്ഫിഖുര് റഹിമും തകര്ത്തടിച്ചതോടെ സ്കോര് 250 കടന്നു.
മുജീബുര് റഹ് മാന് പത്ത് ഓവറില് 39 റണ്സിന് മൂന്ന് വിക്കറ്റ വീഴ്ത്തി. ഗുല്ബാദിന് നെയ്ബ് പത്ത് ഓവറില് 56 റണ്സിന് രണ്ട് പേരെ പുറത്താക്കി.
നേരത്തെ ടോസ് നേടിയ അഫ്ഗാനിസ്ഥാന് ബംഗ്ലാദേശിനെ ബാറ്റിങ്ങിനയച്ചു.
സ്കോര്ബോര്ഡ്
ബംഗ്ലാദേശ്: ലിട്ടന് ദാസ് സി ഷാഹിദി ബി മുജീബുര് റഹമാന് 16, തമീം ഇക്ബാല് ബി മുഹമ്മദ് നബി 36, ഷാക്കിബ് അല് ഹസന് എല്ബിഡബ്ളിയു ബി മുജീബുര് റഹ് മാന് 51, മുഷ്ഫിഖുര് റഹിം സി മുഹമ്മദ് നബി ബി ദൗല്ത് സദ്രാന് 83, സൗമ്യ സര്ക്കാര് എല്ബിഡബ്ളിയു ബി മുജീബുര് റഹ് മാന് 3, മുഹമ്മദുള്ള സി മുഹമ്മദ് നബി ബി ഗുല്ബാദിന് നെയ്ബ് 27, മൊസാദക് ഹുസൈന് ബി ഗുല്ബാദിന് നെയ്ബ് 35, മുഹമ്മദ് സെയ്ഫുദീന് നോട്ടൗട്ട് 2, എക്സ്ട്രാസ് 9, ആകെ 50 ഓവറില് ഏഴു വിക്കറ്റിന് 262.
വിക്കറ്റ് വീഴ്ച: 1-23, 2-82, 3-143, 4-151, 5-207, 6-251, 7-262.
ബൗളിങ്: മുജീബുര് റഹ് മാന് 10-0-39-0, ദൗലത്ത് സദ്രാന് 9-0-64-1, മുഹമ്മദ് നബി 10-0-44-1, ഗുല്ബാദിന് നെയ്ബ് 10-1-56-2, റഷീദ് ഖാന് 10-0-52-0, റഹ് മത്ത് ഷാ 1-0-7-0.
പ്രതികരിക്കാൻ ഇവിടെ എഴുതുക: