ആലപ്പുഴ: പ്രസ് ക്ലബും ശങ്കേഴ്സ് ഹെല്ത്ത്കെയറും ചേര്ന്ന് സംഘടിപ്പിക്കുന്ന സെലിബ്രിറ്റി ക്രിക്കറ്റ് ലീഗിന്റെ ലോഗോ കെ.സി വേണുഗോപാല് എംപി നടി ഗൗതമി നായര്ക്ക് നല്കി പ്രകാശനം ചെയ്തു. പ്രസ്ക്ലബിന്റെ നേതൃത്വത്തില് സെലിബ്രിറ്റി ക്രിക്കറ്റ് ലീഗ് സംഘചിപ്പിക്കുന്നതും മാധ്യമപ്രവര്ത്തകര് ഇത്തരം പരിപാടികളുടെ സംഘാടകരാകുന്നതും കായികമേഖലയില് ജനങ്ങള് കൂടുതല് അവബോധം ഉണ്ടാക്കാന് സാധിക്കുമെന്നും കെ.സി വേണുഗോപാല് എംപി പറഞ്ഞു. ക്യത്യമായ വ്യായാമം ഉണ്ടെങ്കിലേ ചെയ്യുന്ന ജോലിയിലും ജീവിതത്തിലും സന്തോഷം ലഭിക്കൂവെന്ന് ലോഗോ സ്വീകരിച്ച ശേഷം ഗൗതമി നായര് പറഞ്ഞു. പ്രസ് ക്ലബ് സെക്രട്ടറി കെ.ജി മുകുന്ദന് അദ്ധ്യക്ഷത വഹിച്ചു. ജില്ലാക്രിക്കറ്റ് അസോസിയേഷന് പ്രസിഡന്റ് എ.എഫ്. നൗഫല്, ശങ്കേഴ്സ് ഹെല്ത്ത്കെയര് മേധാവി ഡോ. മണികുമാര്, കണ്ണന് നായര്, എസ്. സജിത്ത് എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: