അമ്പലപ്പുഴ: മത്സ്യബന്ധനത്തിനിടെ തൊഴിലാളികളുടെ വലയില് കുടുങ്ങിയ ഭീമന് മത്സ്യം കൗതുകമായി. പുന്നപ്ര വിയാനി കടപ്പുറത്ത് നിന്ന് ഇന്നലെ പുലര്ച്ചെ മൂന്നോടെ മത്സ്യബന്ധനത്തിന് പോയ ലയനം എന്ന വള്ളത്തിലെ തൊഴിലാളികള്ക്കാണ് ഈ അപൂര്വ മത്സ്യം ലഭിച്ചത്.
രാവിലെ ആറോടെ വലയില് കുടുങ്ങിയ ഈ മത്സ്യത്തെ മറ്റൊരു വള്ളത്തിന്റെ സഹായത്താലാണ് വിയാനി കടപ്പുറത്തെത്തിച്ചത്. സ്രാവിനത്തില്പ്പെട്ടതാണെന്ന് കരുതുന്ന ഇതിന് ഏകദേശം പത്തടിയോളം നീളവും 500 കിലോയോളം തൂക്കവും വരുമെന്ന് മത്സ്യത്തൊഴിലാളികള് പറയുന്നു. അപൂര്വ മത്സ്യത്തെ കാണാനും ഇതിന്റെ ചിത്രമെടുക്കാനും നാട്ടുകാരുടെ വലിയ തിരക്കായിരുന്നു.
പ്രതികരിക്കാൻ ഇവിടെ എഴുതുക: