കോട്ടയം: എറണാകുളത്ത് നടക്കുന്ന സ്വാമി ചിന്മയാന്ദ ജന്മശതാബ്ദി ആഘോഷവേദിയില് തെളിയിക്കാനുളള ചിന്മയസന്ദേശ വാഹനി ജ്യോതിക്ക് 10ന് കോട്ടയത്ത് സ്വീകരണം നല്കുമെന്ന് സംഘാടകര് പത്രസമ്മേളനത്തില് അറിയിച്ചു. 10ന് രാവിലെ 7.15ന് കോട്ടയം മാമ്മന്മാപ്പിള ഹാളില് സ്വീകരണാഘോഷം നടക്കും. ചിന്മയാമിഷനും ചിന്മയാ വിദ്യാലയവും ചേര്ന്നാണ് ആഘോഷങ്ങള് സംഘടിപ്പിക്കുന്നത്. 7.15ന് ചിന്മയാ വിദ്യാലയത്തിലെ വിദ്യാര്ത്ഥികളുടെ ഭജന, ഗുരുപാദുകപൂജ, 9.30ന് ഉദ്ഘാടന സമ്മേളനം എന്നിവ നടക്കം. ചിന്മയാമിഷന് കേരള ആചാര്യന് സ്വാമി വിവിക്താനന്ദ അദ്ധ്യക്ഷത വഹിക്കും. മന്ത്രി തിരുവഞ്ചൂര് രാധാകൃഷ്ണന് ഉദ്ഘാടനം ചെയ്യും. 10.30ന് മുന് ചീഫ് സെക്രട്ടറി സി.വി. ആനന്ദബോസ് സ്വാമി ചിന്മയാനന്ദ അനുസ്മരണ പ്രഭാഷണം നടത്തും. 11.30ന് ചിന്മയ കള്ച്ചറല് സെന്റര് നാട്യപൂര്ണ- നാദനൂപുരയിലെ വിദ്യാര്ത്ഥികളുടെ നൃത്ത ശില്പം അരങ്ങേറും.
രാവിലെ 9ന് ഏറ്റുമാനൂര് മഹാദേവക്ഷേത്രസന്നിധിയില് എത്തിച്ചേരുന്ന ചിന്മയ സന്ദേശവാഹിനി ജ്യോതിയാത്ര വിവിധ സംഘടനകളുടെ സ്വീകരണം ഏറ്റുവാങ്ങി തിരുനക്കര മൈതാനിയില് എത്തും. കോട്ടയം പൗരാവലിയുടെ സ്വീകരണശേഷം 12.45ന് മാമ്മന്മാപ്പിള ഹാളില് എത്തും. ചിന്മയാമിഷന ആഗോളാചാര്യന് സ്വാമി തേജോമയാന്ദയും യോഗിവര്യന്മാരും ചേര്ന്ന് എത്തിക്കുന്ന ജ്യോതിക്ക് സ്വീകരണം നല്കും. 1ന് ചിന്മയജ്യോതിദര്ശന് നടക്കും. 4ന് വയലിന് ഫ്യൂഷന്, 5.30ന് ചിന്മയാന്ദജിയുടെ ജീവിതത്തെ ആസ്പദമാക്കിയുള്ള ദൃശ്യാവിഷ്കരണം, 6.30ന് അനുഗ്രഹപ്രഭാഷണം, 7.30ന് ഗുരുദക്ഷിണാസമര്പ്പണം എന്നിവ നടക്കും. പത്രസമ്മേളനത്തില് സംഘാടക സമിതി ഭാരവാഹികളായ എ.ഗോപാലകൃഷ്ണന്, എന്. രാജഗോപാല്, പി.എസ്. മണി, എ. അരവിന്ദന്, ഗീതാദേവി വര്മ്മ എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: