കോട്ടയം: പരിസ്ഥിതിയില് ഊന്നിയുളള മാധ്യമപ്രവര്ത്തനം കൂടുതല് ശക്തമാക്കണമെന്ന് ജില്ലാ കലക്ടര് യു.വി ജോസ്്. ലോക പരിസ്ഥിതി ദിനത്തോടനുബന്ധിച്ച് അന്തരീഷ മലിനീകരണവും ശ്വാസകോശരോഗങ്ങളും വിഷയത്തില് കോട്ടയം പ്രസ്ക്ലബ്ബും കിംസ് ആശുപത്രിയുമായി സഹകരിച്ച് സംഘടിപ്പിച്ച ശില്പ്പശാലയും വൈദ്യപരിശോധനാ ക്യാമ്പും ഉദ്ഘാടനം ചെയ്യുകയായിരുന്നു ജില്ലാ കലക്ടര്. പരിസ്ഥിതി സംരക്ഷണം പ്രവര്ത്തനങ്ങള് സമൂഹത്തിന്റെ എല്ലാ മേഖലകളിലും വ്യാപകമായിരുന്നു. പരിസ്ഥിതി സംരക്ഷിക്കേണ്ടതിന്റെ ആവശ്യകതയും സമൂഹത്തെ അറിയിക്കുന്നതില് മാധ്യമങ്ങള്ക്ക് സുപ്രധാന പങ്കാണുളളത്്. അവാസവ്യവസ്ഥയെ ഒരു പോറല്പോലും ഏല്ക്കാതെ സംരക്ഷിക്കുക എന്നത്് നമ്മുടെ ധര്മമാണെന്നും അദ്ദേഹം പറഞ്ഞു.
പ്രസ്കഌബ് പ്രസിഡന്റ് എസ് മനോജ് അധ്യക്ഷനായിരുന്നു. സെക്രട്ടറി ഷാലു മാത്യു, കിംസ ആശുപത്രി അഡ്മിനിസ്ട്രേറ്റര് ഡോ. നവീന് കുമാര്, എന്നിവര് പ്രസംഗിച്ചു. കിംസ് ആശുപത്രി ശ്വാസകോശ രോഗ വിഭാഗത്തിലെ ഡോ. ജ്യോല്സന അഗസ്റ്റിന്, ഡോ. ജെയ്സി തോമസ്്, ഹെല്ത്ത് കെയര് അസിസ്റ്റന്റ് മാനേജര് ജെയ് കുര്യന് എന്നിവര് ക്യാമ്പിന് നേതൃത്വം നല്കി. ശ്വാസ കോശത്തിന്റെ പ്രവര്ത്തനക്ഷമത നിര്ണയിക്കുന്ന പിഎഫ്ടി പരിശോധന ഉള്പ്പടെയുളള സംവിധാനങ്ങളോടെയായിരുന്നു ക്യാമ്പ്്.
പ്രതികരിക്കാൻ ഇവിടെ എഴുതുക: