ലണ്ടന്:യൂറോപ്പില് മുസ്ലിംവിരുദ്ധ വികാരം പടരുന്നു.യൂറോപ്യന് രാജ്യങ്ങളില് ഇസ്ലാംമതം വ്യാപകമാവുകയും അതിന്റെ ആക്രമണസ്വഭാവം പുറത്തുവരികയും ചെയ്ത സാഹചര്യത്തിലാണ് ഇത്തരത്തിലുള്ളൊരു വികാരം ഉണ്ടാവാന് കാരണം. ഇറ്റലിയില് 61 ശതമാനവും പോളണ്ടില് 56ഉം സ്പെയിനില് 42 ശതമാനവും മുസ്ലിംവിരുദ്ധ മനോഭാവമുണ്ടെന്നാണ് കണക്ക്.
ഫ്രാന്സിലും ജര്മ്മനിയിലും നാലിലൊരാള്ക്ക് വീതം മുസ്ലിം വിരുദ്ധ വികാരമുണ്ടെന്ന് കണ്ടെത്തിയിട്ടുണ്ട്. അതേസമയം ബ്രിട്ടനില് 19 ശതമാനത്തിന് മാത്രമെ മുസ്ലിങ്ങള്ക്കെതിരായുള്ള വികാരമുള്ളു. ഇതുസംബന്ധിച്ച സര്വ്വേഫലം കഴിഞ്ഞദിവസമാണ് പുറത്തുവിട്ടത്. യുകെയില് ഇസ്ലാം അതിവേഗം വളര്ന്നുകൊണ്ടിരിക്കുന്ന മതമാണെന്ന് കണ്ടെത്തിയിട്ടുണ്ട്.
കഴിഞ്ഞ രണ്ടുവര്ഷത്തിനുള്ളില് യുകെയില് പത്ത് ലക്ഷം മുസ്ലിങ്ങളുടെ വര്ദ്ധനവ് ഉണ്ടായതായി പഠനങ്ങള് വ്യക്തമാക്കുന്നു. 2012നുശേഷം പിറന്ന ആണ്കുട്ടികള്ക്ക് മുഹമ്മദ് എന്നാണ് ആദ്യനാമമായി കൊടുത്തിരിക്കുന്നത്.
ഷാര്ലെ ഹെബ്ദോയില് നടന്ന ഭീകരാക്രമണത്തിനുശേഷമാണ് ഇത്തരത്തിലുള്ള ഒരു സര്വ്വേ പ്യൂ റിസര്ച്ച് സെന്റര് നടത്തിയത്. സര്വ്വേയില് പങ്കെടുത്ത ചെറുപ്പക്കാര്ക്ക് പൊതുവേ ഇസ്ലാമിനോട് എതിര്പ്പില്ല. എന്നാല് 50ന് മുകളിലുള്ളവര്ക്ക് ശക്തമായ വികാരമാണുള്ളത്.
പ്രതികരിക്കാൻ ഇവിടെ എഴുതുക: