ആകാശഗംഗ : ബാലാജിയില് നിന്ന് രണ്ടുകിലോമീറ്റര് അകലെയാണ്. ഇവിടെ ഒരു അരുവിയിലെ ജലം കുണ്ഡത്തില് വന്നുചേരുന്നു. അതില് സ്നാനം ചെയ്യാന് സാധിക്കും.
പാപനാശംതീര്ത്ഥം : ആകാശഗംഗയില് നിന്ന് ഒരു കിലോമീറ്റര് കൂടി അപ്പുറത്താണ് പാപനാശം. ഇത് ഒരു വെള്ളച്ചാട്ടമാണ്. ചങ്ങലയില് പിടിച്ചുകൊണ്ടു നിന്നു കുളിക്കണം.
വൈകുണ്ഠതീര്ത്ഥം : ഇത് ബാലാജിക്ഷേത്രത്തില് നിന്നുരണ്ടു കിലോമീറ്റര് കിഴക്ക് വൈകുണ്ഠഗുഹയില് നിന്നു ജലധാര പുറപ്പെടുന്നതാണ്.
പാണ്ഡവതീര്ത്ഥം : ഇത് ബാലാജിക്ഷേത്രത്തില് നിന്ന് രണ്ടുകിലോമീറ്റര് വടക്ക് പടിഞ്ഞാറ് ഒരു അരുവിയാണ്. ഇവിടെ ദ്രൗപദിയോടുകൂടിയ പാണ്ഡവരുടെ പ്രതിമകളുണ്ട്.
ജാബാലിതീര്ത്ഥം : പാണ്ഡവതീര്ത്ഥത്തില് നിന്ന് ഒരു കിലോമീറ്റര് അപ്പുറമുള്ള ഒരു അരുവിയാണ് ഇത്.
തിരുപ്പതി : തിരുമലയില് ബാലാജിദര്ശനം നടത്തിയിട്ട് താഴെയിറങ്ങിവരുന്ന തിരുപ്പതിബസാറില് ശ്രീഗോവിന്ദരാജന്റെ വലിയ ക്ഷേത്രമുണ്ട്. ഇവിടത്തെ പ്രധാനവിഗ്രഹം അനന്തശായിയായ വിഷ്ണുവിന്റേതാണ്. ശ്രീരാമാനുജാചാര്യരാണ് ഇവിടെ പ്രതിഷ്ഠ നടത്തിയത്. ഇവിടുത്തെ ആചാര്യനെ ശ്രീവേങ്കടാചാര്യനെന്നു വിളിക്കുന്നു.
പ്രധാനക്ഷേത്രത്തിനുള്ളില് പതിനഞ്ചു ചെറുക്ഷേത്രങ്ങളുണ്ട്. ഇതിലൊന്നു ശ്രീഗോദാഅംബാക്ഷേത്രമാണ്. തിരുപ്പതി ബസ്സാറിലെ മറ്റൊരു വലിയ ക്ഷേത്രം ശ്രീകോദണ്ഡരാമക്ഷേത്രമാണ്.
തിരുച്ചാനൂര് : തിരുപ്പതിയില് നിന്നു മൂന്നുകിലോമീറ്റര് അകലെയാണ് ഈ ഗ്രാമം. ഇതിനെ മംഗാപട്ടണമെന്നു പറയും. പത്മസരോവരമെന്നപേരില് ഇവിടെ ഒരു തീര്ത്ഥമുണ്ട്. അതിനു സമീപമാണഅ പത്മാവതീക്ഷേത്രം. അതിനെ ഇവിടെ അലമേലു മംഗമ്മാ എന്നുപറയുന്നു.
ആകാശ്രാജില് നിന്ന് ഇവിടെ പുത്രീരൂപത്തില് ലക്ഷ്മീദേവി ജന്മമെടുത്തു. പത്മസരോവരത്തില് അവര് താമരപ്പൂവില് കാണപ്പെട്ടു. ആകാശ്രാജന് അവരെ മകളെന്നപ്പോലെ വളര്ത്തി. പ്രായപൂര്ത്തിയായപ്പോള് അവരുടെ വിവാഹം ശ്രീവേങ്കേശസ്വാമിയുമായി (ബാലാജി) നടത്തി.
പ്രതികരിക്കാൻ ഇവിടെ എഴുതുക: