ബീജിങ്: ഹിന്ദു വേദ ഗ്രന്ഥമായ ഭഗവദ്ഗീതക്ക് ചൈനയിലും വന് പ്രചാരം. അന്താരാഷ്ട്ര യോഗദിനത്തോടനുബന്ധിച്ച് ഭഗവദ്ഗീതയുടെ ചൈനീസ് ഭാഷയിലുള്ള പതിപ്പ് പുറത്തിറക്കിയിരുന്നു. ചുരുങ്ങിയ ദിവസം കൊണ്ടുതന്നെ രാജ്യത്ത് മികച്ച പ്രതികരണമാണ് ഈ പുസ്തകത്തിന് ലഭിച്ചിരിക്കുന്നത്.
സിചുവന് പീപ്പിള് പബ്ലിക്കേഷന് പ്രസിദ്ധീകരിച്ച ഈ പതിപ്പ് ഷാങ്ഹായ് ഷെജിയാങ് സര്വ്വകലാശാലയിലെ പ്രൊഫസര് വാങ് ഷു ചെങ്, ലിങ് ഹായ് എന്നിവരാണ് ഇംഗ്ലീഷില് നിന്നും ചൈനീസിലേക്ക് വിവര്ത്തനം ചെയ്തത്. ഗ്വാങ്ജോയിലെ ഭാരത കോണ്സുലേറ്റിലെ കൗണ്സല് കെ. നാഗരാജ് നായിഡു അവതാരിക എഴുതിയ പുസ്തകത്തിന്റെ പ്രകാശനം സ്ഥാനപതി അശോക് കെ. കാന്ത നിര്വ്വഹിച്ചു.
ചൈനയില് ആദ്യമായാണ് ഒരു ഹിന്ദു വേദ പുസ്തകം പ്രസിദ്ധീകരിക്കുന്നത്. കഴിഞ്ഞ വര്ഷം ഭാരതത്തിന്റേയും ചൈനയുടേയും 2000 വര്ഷത്തെ ചരിത്രം ഉള്ക്കൊള്ളിച്ചുകൊണ്ടുള്ള സര്വ്വവിജ്ഞാനകോശം ഇരുരാജ്യങ്ങളില് നിന്നുള്ള വിദ്യാര്ത്ഥികള് പുറത്തിറക്കിയിരുന്നു.
ചൈനയില് നടക്കുന്ന ഇന്റര്നാഷണല് യോഗ ഫെസ്റ്റിവലിനോടനുബന്ധിച്ച് എഴുനൂറോളം പേര്ക്ക് യോഗപരിശീലനം നല്കുന്നുണ്ട്. അഞ്ചു ദിവസം നീണ്ടുനില്ക്കുന്ന ഫെസ്റ്റിവല് 21ന് സമാപിക്കും.
പ്രതികരിക്കാൻ ഇവിടെ എഴുതുക: