ഇസ്ലമാബാദ്: പാക്കിസ്ഥാനില് സൈനികര് സഞ്ചരിച്ച ട്രെയിന് കനാലില് പതിച്ചുണ്ടായ അപകടത്തില് 12 പേര് മരിച്ചു. വ്യാഴാഴ്ച വൈകുന്നേരം പഞ്ചാബ് പ്രവിശ്യയിലെ ഗുജ്റന്വാലയിലാണ് അപകടമുണ്ടായത്. അപകടത്തില് നൂറിലേറെ പേര്ക്ക് പരിക്കേറ്റു.
ട്രെയിന് കനാലിനു കുറുകെയുള്ള പാലം കടക്കുമ്പോഴാണ് അപകടമുണ്ടായത്. പാലം തകര്ന്ന് ട്രെയിന് കനാലില് പതിക്കുകയായിരുന്നു. നാലു കമ്പാര്ട്ടുമെന്റുകളാണ് കനാലില് വീണത്. യൂണിറ്റ് കമാന്ഡര് ഉള്പ്പെടെ 12 സൈനികരാണ് മരിച്ചത്.
ഒന്നര മണിക്കൂറുകള്ക്കു മുമ്പ് ഇതേ പാലത്തിലൂടെ മറ്റൊരു ട്രെയിന് കടന്നുപോയിരുന്നു. പാലത്തില് അപകട സൂചനകളൊന്നും ഉണ്ടായതുമില്ല. സംഭവത്തെക്കുറിച്ച് സമഗ്രാന്വേഷണം നടത്തുമെന്നു പാക് റെയില്വേ അധികൃതര് അറിയിച്ചു.
പ്രതികരിക്കാൻ ഇവിടെ എഴുതുക: