മഞ്ചേരി: ബാലഗോകുലം നാല്പതാം സംസ്ഥാന സമ്മേളനം മഞ്ചേരിയില് 10 മുതല് 12 വരെ നടക്കും.സമ്മേളനത്തോടനുബന്ധിച്ചുള്ള കലവറനിറക്കലും മാതൃശക്തി സമ്മേളനവും ഇന്നലെ നടന്നു. മേലാക്കം കാളിക്കാവ് ഭഗവതി ക്ഷേത്ര ഓഡിറ്റോറിയത്തില് നടന്ന സമ്മേളനം ക്ഷേത്രസംരക്ഷണ സമിതി മാതൃസമിതി അദ്ധ്യക്ഷ പ്രൊഫ. വി.ടി. രമ ഉദ്ഘാടനം ചെയ്തു. ഡോ. പി.ഐ. രാധ അദ്ധ്യക്ഷത വഹിച്ചു. ബാലഗോകുലം സംസ്ഥാന ഭഗിനി പ്രമുഖ് സ്മിത വത്സലന്, ജിജാഭായ് ടീച്ചര്, എന്.കെ.ശ്രീലത തുടങ്ങിയവര് പങ്കെടുത്തു.
10ന് രാവിലെ 10 മണി മുതല് ബാലഗോകുലം സംസ്ഥാന നിര്വാഹക സമിതിയോഗം നടക്കും. 11ന് രാവിലെ 9.30ന് മഞ്ചേരി ശ്രീസുമ ഓഡിറ്റോറിയത്തിലെ പൂന്താനം നഗറില് നടക്കുന്ന ചടങ്ങില് ചിന്മയമിഷന് റീജണല് കോ-ഓര്ഡിനേറ്റര് സ്വാമി വിവിക്താനന്ദ സരസ്വതി സമ്മേളനം ഉദ്ഘാടനം ചെയ്യും. സംസ്ഥാന അദ്ധ്യക്ഷന് ടി.പി.രാജന് മാസ്റ്റര് അദ്ധ്യക്ഷത വഹിക്കും.
ആര്എസ്എസ് പ്രാന്ത ബൗദ്ധിക് പ്രമുഖ് കെ.പി.രാധാകൃഷ്ണന് പ്രഭാഷണം നടത്തും. വൈകിട്ട് ആറിന് നടക്കുന്ന വന്ദനസഭ ചലച്ചിത്ര സംവിധായകന് മേജര് രവി ഉദ്ഘാടനം ചെയ്യും.
സംസ്ഥാന രക്ഷാധികാരി പ്രൊഫ.സി.എന്.പുരുഷോത്തമന് അദ്ധ്യക്ഷത വഹിക്കും.തുടര്ന്ന് ആര്ട്ടിസ്റ്റ് നമ്പൂതിരി, പൂങ്കുടില്മന ദേവന് നമ്പൂതിരി, വില്വമംഗലം സ്വാമിയാരുടെ പിന്ഗാമി നീലകണ്ഠന് നമ്പൂതിരിപ്പാട്, മേല്പ്പത്തൂരിന്റെ പിന്ഗാമി രാമന് നമ്പൂതിരിപ്പാട്, തളിക്ഷേത്ര സമരനായിക യശോദ മാധവന്, മുതിര്ന്ന സംഘപ്രചാരകന് രാ.വേണുഗോപാല്, കഥകളി നടന് കോട്ടക്കല് ശശിധരന്, സാഹിത്യകാരി കെ.ബി.ശ്രീദേവി, ആഴ്വാഞ്ചേരി കൃഷ്ണന് തമ്പ്രാക്കള്, ഗോവിന്ദന് നായര്, ബാലന് പൂതേരി, പി.സി.അരവിന്ദന്, അഷ്ടവൈദ്യന് ആലത്തിയൂര് നമ്പി, പുലമാന്തോള് ശങ്കരന്മൂസ്സ്, ഡോ.പി.മാധവന്കുട്ടി വാര്യര്, സി.വിനോദ് എന്നിവരെ ആദരിക്കും.
12ന് രാവിലെ 10ന് നടക്കുന്ന വാര്ഷിക പൊതുയോഗസഭ സാഹിത്യകാരി പി.വത്സല ഉദ്ഘാടനം ചെയ്യും.
ചരിത്രകാരന് എം.ജി.എസ്.നാരായണന് മുഖ്യാതിഥിതിയായിരിക്കും. മഹാകവി അക്കിത്തം കുട്ടികളുടെ മാസിക മയില്പ്പീലിയുടെ പ്രകാശനം നിര്വഹിക്കും.സംസ്ഥാന പൊതുകാര്യദര്ശി ആര്.പ്രസന്നകുമാര്, ആര്എസ്എസ് സഹപ്രാന്ത സംഘചാലക് അഡ്വ.കെ.കെ.ബല്റാം എന്നിവര് സംസാരിക്കും.
പ്രതികരിക്കാൻ ഇവിടെ എഴുതുക: