കുമരകം: കുമരകത്തിന് ചരിത്രനേട്ടം. കുമരകത്തിന്റെ തുഴച്ചില്കാരുടെ കൈക്കരുത്തറിഞ്ഞ നിമിഷങ്ങളായിരുന്നു പുന്നമടക്കായലിലെ നെഹ്രുട്രോഫി വള്ളംകളിയില് കുമരകത്തെ വേമ്പനാട് ബോട്ട്ക്ലബ്ബിന്റെ തുഴച്ചില്കാര് തുഴയെറിഞ്ഞ് ജവഹര്തായങ്കരി ചുണ്ടനിലൂടെ നെഹ്രുട്രോഫി കരസ്ഥമാക്കിയ നിമിഷം. ജവഹര് തായങ്കരിയെ കൂടാതെ കുമരകത്തുനിന്നും കാരിച്ചാല് ചുണ്ടനും ഇല്ലിക്കളം ചുണ്ടനും പുന്നമടക്കായലില് മത്സരത്തിനായി എത്തിയിരുന്നുവെങ്കിലും ജവഹര് തായങ്കരി ചുണ്ടനിലുടെയാണ് കുമരകത്തിന് അഭിമാനിക്കാന് വകനല്കിക്കൊണ്ട് നെഹ്രുട്രോഫി കരസ്ഥമാക്കി ചരിത്രനേട്ടം കൊയ്യാനായത്. നെഹ്രുട്രോഫി കുമരകത്തുനിന്നുള്ള ജവഹര് തായങ്കരിക്ക് ലഭിച്ചെന്ന വിവരം അറിഞ്ഞ നിമിഷം മുതല് കുമരകത്തിന്റെ വിവിധ ഭാഗങ്ങളിലുള്ളവര് ആഘോഷത്തോടെ വള്ളത്തെയും തുഴച്ചില്കാരെയും വരവേല്ക്കാന് ഇരുചക്രവാഹനങ്ങളിലും കാല്നടയായും വള്ളം വരുന്ന തോടിന്റെ ഇരുകരകളിലും അണിനിരന്നു. വള്ളം കുമരകത്തെത്തുന്നതോടെ ട്രോഫിയുമായി വിജയമറിയിച്ചുള്ള ഘോഷയാത്രയ്ക്കുള്ള തയ്യാറെടുപ്പിലാണ് നാട്ടുകാര്.
പ്രതികരിക്കാൻ ഇവിടെ എഴുതുക: