ആലപ്പുഴ: അന്യസംസ്ഥാനത്തുനിന്നും കായംകുളത്ത് കുട്ടികളെ എത്തിച്ചതിനെക്കുറിച്ച് ദേശീയ അന്വേഷണ ഏജന്സി അന്വേഷിക്കണമെന്ന് ബിജെപി ജില്ലാ പ്രസിഡന്റ് വെള്ളിയാകുളം പരമേശ്വരന് ആവശ്യപ്പെട്ടു. ഇത്തരം സംഭവങ്ങള് മുമ്പ് നടന്നിട്ടുണ്ടോയെന്ന് കണ്ടെത്തുന്നതിന് സംസ്ഥാന പോലീസിന്റെ അന്വേഷണം പര്യാപ്തമല്ല. കുട്ടിക്കടത്തിന്റെ പേരില് കായംകുളം ശ്രീരാമകൃഷ്ണാശ്രമത്തിലെ അന്തേവാസികളായ ആദിവാസി കുട്ടികളെ ചൈല്ഡ് വെല്ഫെയര് കമ്മറ്റി ചേര്ത്തലയില് എത്തിച്ച് മാനസികമായി പീഡിപ്പിച്ചതില് അദ്ദേഹം പ്രതിഷേധിച്ചു. അധികൃതര് ഇത്തരം സ്ഥലങ്ങളില് എത്തി പരിശോധന നടത്തുന്നതിന് പകരം ബാലസദനങ്ങളുടെ നടത്തിപ്പിനെ തടസ്സപ്പെടുത്തുകയും നടത്തിപ്പിന് പ്രയാസങ്ങള് സൃഷ്ടിക്കുകയും ചെയ്യുന്ന നടപടികളില് നിന്ന് പിന്തിരിയണമെന്ന് അദ്ദേഹം ആവശ്യപ്പെട്ടു. നിയമവിരുദ്ധമായി പ്രവര്ത്തിക്കുന്ന സ്ഥാപനങ്ങളെ കണ്ടെത്തി നിയന്ത്രിക്കാതെ ഹൈന്ദവ സംഘടനാ സ്ഥാപനങ്ങളെ തകര്ക്കാനുള്ള അധികൃതരുടെ നീക്കത്തിനെതിരെ ശക്തമായ പ്രതിഷേധത്തിന് ബിജെപി നേതൃത്വം കൊടുക്കുമെന്നും വെള്ളിയാകുളം പറഞ്ഞു.
പ്രതികരിക്കാൻ ഇവിടെ എഴുതുക: