ആലപ്പുഴ: നഗരത്തില് റോഡരികില് പാര്ക്ക് ചെയ്തിരുന്ന സ്വകാര്യ ബസിന്റെ ചില്ലുകള് അജ്ഞാതര് തകര്ത്തു. ആസ്പിന്വാള്-കടപ്പുറം റൂട്ടില് സര്വീസ് നടത്തുന്ന സഫ്വാന് എന്ന സ്വകാര്യബസിന്റെ മുന്വശത്തെയും പിന്നിലെയും ചില്ലുകളാണു കഴിഞ്ഞ രാത്രി തകര്ത്തത്. തകരാറുണ്ടായതിനെ തുടര്ന്നു കഴിഞ്ഞ മൂന്നു ദിവസമായി തത്തംപള്ളി ജംഗ്ഷനു സമീപം പാര്ക്ക് ചെയ്തിരിക്കുകയായിരുന്നു ബസ്. സംഭവത്തെത്തുടര്ന്നു റൂട്ടില് സര്വീസ് നടത്തുന്ന സ്വകാര്യ ബസുകള് മിന്നല് പണിമുടക്ക് നടത്തിയെങ്കിലും അധികാരികളുമായി നടത്തിയ ചര്ച്ചയ്ക്ക് ഒടുവില് സര്വീസുകള് പുനരാരംഭിച്ചു. തിങ്കളാഴ്ചയ്ക്കകം പ്രതികളെ അറസ്റ്റു ചെയ്തില്ലെങ്കില് നഗരത്തില് സര്വീസ് നടത്തുന്ന മുഴുവന് സ്വകാര്യ ബസ്സുകളും അന്നു മുതല് അനിശ്ചിത കാലത്തേക്ക് പണിമുടക്കാന് ഉടമകള് തീരുമാനിച്ചു. അലപ്പുഴ നോര്ത്ത് പോലീസ് കേസെടുത്ത് അന്വേഷണം ആരംഭിച്ചു.
പ്രതികരിക്കാൻ ഇവിടെ എഴുതുക: