ആലപ്പുഴ:അക്രമത്തിനും അഴിമതിക്കും അന്താരാഷ്ട്രയുദ്ധഭീകരതയ്ക്കുമെതിരെ ശക്തമായ ബഹുജനമുന്നേറ്റം അത്യാവശ്യമാണെന്നും രാജ്യം നേരിടു വെല്ലുവിളികളെ ചെറുക്കാന് എല്ലാവരും മുന്നോട്ടു വരണമെന്നും മന്ത്രി വി.എസ്. ശിവകുമാര് പറഞ്ഞു. 69-ാം സ്വാതന്ത്ര്യദിനാഘോഷച്ചടങ്ങില് സ്വാതന്ത്ര്യദിനസന്ദേശം നല്കുകയായിരുന്നു അദ്ദേഹം.
വിദേശഭീകരസംഘടനകളുടെ സഹായത്തോടെ നമ്മുടെ രാജ്യത്തിന്റെ ആഭ്യന്തരസുരക്ഷിതത്വം തകര്ക്കാന് ഇടയ്ക്കിടെ ശ്രമങ്ങളുണ്ടാകുന്നു. അവയെ ചെറുത്തു തോല്പ്പിക്കാനും മുന്കരുതലെടുക്കാനും നമ്മുടെ സേനകള് നടത്തുന്ന സമര്പ്പിതസേവനം അഭിമാനകരമാണെന്ന് മന്ത്രി പറഞ്ഞു.
ദേശീയപതാക ഉയര്ത്തിയ ശേഷം വിവിധ ട്രൂപ്പുകളുടെ സ്വാതന്ത്ര്യദിനപരേഡ് പരിശോധിച്ച മന്ത്രി പരേഡില് അഭിവാദ്യം സ്വീകരിച്ചു. പോലീസിന്റെയും എക്സൈസിന്റെയും എന്സിസി, സ്റ്റുഡന്റ് പോലീസ് കേഡറ്റ്സ്, സ്കൗട്ട്, ഗൈഡ്സ്, റെഡ് ക്രോസ്, കബ്സ്, ബുള്ബുള് എന്നിവയുടെയുമായി 37 പ്ലാറ്റൂണുകളും ആറു ബാന്ഡ് പ്ലാറ്റൂണുകളും പരേഡില് പങ്കെടുത്തു. ഇക്കഴിഞ്ഞ റിപ്പബഌക് ദിനത്തില് പ്രഖ്യാപിച്ച മുഖ്യമന്ത്രിയുടെ പോലീസ് മെഡലിന് അര്ഹരായ ആലപ്പുഴ നാര്ക്കോട്ടിക് സെല് സബ് ഇന്സ്പെക്ടര് എസ്. അബ്ദുല് നാസര്, അമ്പലപ്പുഴ പൊലീസ് സ്റ്റേഷനിലെ സബ് ഇന്സ്പെക്ടര് ജെ. രാധാകൃഷ്ണന് എന്നിവര്ക്ക് മന്ത്രി പുരസ്കാരം നല്കി. പരേഡില് മികച്ച പ്രകടനം കാഴ്ചവച്ചവര്ക്കുള്ള ട്രോഫിയും നല്കി.
പരേഡിലെ പ്രകടനത്തിനു ട്രോഫി നേടിയവര് (വിഭാഗം, പ്ലാറ്റൂണ്/സ്ഥാപനം എന്നീ ക്രമത്തില്): പോലീസ്- ജില്ലാ സായുധസേന; എന്സിസി സീനിയര് ബോയ്സ് -കാര്മല് പോളി ടെക്നിക്, പുന്നപ്ര; എന്സിസി സീനിയര് ഗേള്സ്- എസ്ഡി കോളജ്, ആലപ്പുഴ; സ്റ്റുഡന്റ്സ് പോലീസ് കേഡറ്റ്- അംബേദ്കര് മെമ്മോറിയല് മോഡല് റസിഡന്ഷ്യല് സ്കൂള്, പുന്നപ്ര; എന്സിസി ജൂനിയര് ബോയ്സ്- ലിയോ തേര്ട്ടീന്ത് എച്ച്എസ്എസ് ആലപ്പുഴ; എന്സിസി ജൂനിയര് ഗേള്സ്- എച്ച്എസ്എസ് തിരുവമ്പാടി; സ്കൗട്ട്്- ലിയോ തേര്ട്ടീന്ത് എച്ച്എസ്എസ്.; റെഡ് ക്രോസ്, ഗൈഡ്സ്- സെന്റ് ജോസഫ്സ് ജിഎച്ച്എസ്എസ് ആലപ്പുഴ; ഓവറോള് പ്രകടനം- -കാര്മല് പോളി ടെക്നിക്; ബാന്ഡ്- ലിയോതേര്ട്ടീന്ത് ഇംഗ്ലീഷ് മീഡിയം സ്കൂള് കാളാത്ത്. പൊതുവിദ്യാഭ്യസ വകുപ്പും നെഹ്റു യുവകേന്ദ്രയും സംഘടിപ്പിച്ച ദേശഭക്തി ഗാനാലാപനമത്സരത്തില് ഒന്നാം സ്ഥാനം നേടിയ ആലപ്പുഴ സെന്റ് ആന്റണീസ് ഗേള്സ് എച്ച്എസ്സിനും ദേശീയഗാനാലാപനമത്സരത്തില് ഒന്നാം സ്ഥാനം നേടിയ പുന്നപ്ര ജ്യോതി നികേതന് സീനിയര് സെക്കന്ഡറി സ്കൂളിനുമുള്ള സമ്മാനങ്ങളും ചടങ്ങില് വിതരണം ചെയ്തു.
സായുധസേനാ പതാകദിനനിധിയിലേക്ക് ഏറ്റവും കൂടുതല് തുക സംഭാവന ചെയ്ത ആലപ്പുഴ സെന്റ് ജോസഫ്സ് ജിഎച്ച്എസ്എസ്സിനും സര്ക്കാര് സ്ഥാപനമായ സഹകരണസംഘം ജോയിന്റ് രജിസ്ട്രാര് ഓഫീസിനുമുള്ള റോളിങ് ട്രോഫികളും സമ്മാനിച്ചു.
ജില്ലാ കളക്ടര് എന്. പത്മകുമാര്, ജില്ലാ പോലീസ് മേധാവി വി. സുരേഷ് കുമാര്, നഗരസഭാധ്യക്ഷ മേഴ്സി ഡയാന മാസിഡോ തുടങ്ങിയവര് പങ്കെടുത്തു.
പ്രതികരിക്കാൻ ഇവിടെ എഴുതുക: