കൊച്ചി: ചരിത്ര പ്രസിദ്ധമായ തൃപ്പൂണിത്തുറ അത്തച്ചമയ ഘോഷയാത്ര ഇന്ന് രാവിലെ 9ന് ഗവര്ണര് പി.സദാശിവം ഉദ്ഘാടനം ചെയ്യും. മന്ത്രി കെ. ബാബു അദ്ധ്യക്ഷത വഹിക്കും. മന്ത്രി അനൂപ് ജേക്കബ് പതാക ഉയര്ത്തും. ബോയ്സ് ഹൈസ്കൂള് ഗ്രൗണ്ടില് നടക്കുന്ന സമ്മളനത്തിനുശേഷം നഗരം ചുറ്റിയുള്ള ഘോഷയാത്ര ആരംഭിക്കും. ഘോഷയാത്രയില് തൃപ്പൂണിത്തുറ മേഖലയിലെ 25 ഓളം സ്കൂളുകള് പങ്കെടുക്കും. കൂടാതെ കുടുംബശ്രീ പ്രവര്ത്തകര്, സ്റ്റുഡന്റ്സ് പോലീസ് കേഡറ്റ്, എന്സിസി, സ്കൗട്ട് തുടങ്ങിയ വിഭാഗങ്ങളും പങ്കെടുക്കും. ആയിരങ്ങള് അണിനിരക്കുന്ന ഘോഷയാത്രയില് വിവിധ നിശ്ചലദൃശ്യങ്ങളും വാദ്യമേളങ്ങളും അണിനിരക്കും. അത്തച്ചമയ ആഘോഷത്തിനോട് അനുബന്ധിച്ചുള്ള അത്തപ്പൂക്കള മത്സരം രാവിലെ 10ന് സിയോണ് ഓഡിറ്റോറിയത്തില് നടക്കും. മൂന്ന് മണി മുതല് പൂക്കളപ്രദര്ശനം. വൈകിട്ട് 5ന് ലായം കൂത്തമ്പലത്തില് പറപ്പിള്ളില് വാണിമേനോന്റെ സംസ്കൃതശ്ലോകം വൈകിട്ട് 6ന് കലാസന്ധ്യ ഉദ്ഘാടനം 7ന് ആംനസ്റ്റി ക്രിസ്റ്റന് അവാര്ഡ് ജേതാവ് സുരേഷ് ഏറിയാട്ടിനെ ആദരിക്കല് 7.30 മുതല് ഗണേഷ് സുന്ദരം നയിക്കുന്ന സ്മൃതിസന്ധ്യ-ഗാനമേള.
20ന് വൈകിട്ട് 6ന് ആദര്ശ് സ്കൂള് കുട്ടികളുടെ കലാപരിപാടികള് 7 മണിക്ക് നാടകം-ദേവസങ്കീര്ത്തനം. 21 മുതല് 23 വരെ കുലശേഖര നാട്യോത്സവം 24ന് വൈകിട്ട് 3ന് സമ്മാനദാനം. വൈകിട്ട് 6ന് കീചകവധം-കഥകളി. 7 മണിക്ക് നാടന്പാട്ട്, 26ന് വൈകിട്ട് 5ന് കൈകൊട്ടികളി, 6 മണിക്ക് നൃത്തം.
പ്രതികരിക്കാൻ ഇവിടെ എഴുതുക: