കൊല്ലം: കേരളത്തില് നടപ്പിലാക്കേണ്ടത് സമ്പൂര്ണ്ണ മദ്യ നിരോധനമാണെന്ന് യുവമോര്ച്ച സംസ്ഥാന സെക്രട്ടറി സജി കരവാളൂര് പറഞ്ഞു. കൊല്ലത്ത് യുവമോര്ച്ച നടത്തിയ ബിവറേജസ് ഔട്ട്ലറ്റ് അടപ്പിക്കല് സമരം ഉദ്ഘാടനം ചെയ്യുകയായിരുന്നു അദ്ദേഹം.
സമ്പൂര്ണ്ണ മദ്യ നിരേധനം നടപ്പിലാക്കണമെന്നാവശ്യപ്പെട്ട് യുമോര്ച്ച അത്തം മുതല് ചതയം വരെ സംസ്ഥാനത്ത് ഒരു ബിവറേജസും തുറക്കാന് അനുവദിക്കില്ലെന്നും സജി കരവാളൂര് പറഞ്ഞു.
രാവിലെ 12 മുതല് പ്രകടനമായെത്തിയ യുവമോര്ച്ച പ്രവര്ത്തകര് ഓരോ ഔട്ട്ലെറ്റുകളും പൂട്ടി. ചില സ്ഥലങ്ങളില് പോലീസുമായി സംഘര്ഷത്തിന് കാരണമായി. യുവമോര്ച്ച ജില്ലാ ജനറല് സെക്രട്ടറി അരുണ് ചന്ദ്രശേഖര്, വൈസ് പ്രസിഡന്റ് ശ്രേയസ്, ജില്ലാ സെക്രട്ടറി രാജ് മോഹന്, കൃഷ്ണകുമാര്, മണ്ഡലം പ്രസിഡന്റുമാരായ അഡ്വ.സികെ.മിത്രന്, വിശാഖ്, ശ്രീനാഥ്, ബിനു, രമേശ്, ധനേഷ്, രാജീവ് എന്നിവര് നേതൃത്വം നല്കി. ഓച്ചിറയിലും കരുനാഗപ്പള്ളിയിലും യുവമോര്ച്ച പ്രവര്ത്തകര് ഔട്ട്ലറ്റുകള് അടപ്പിച്ചു.
പ്രതികരിക്കാൻ ഇവിടെ എഴുതുക: