ചേര്ത്തല: സവാക് ഓഫ് ഇന്ത്യ ജില്ലാ സമ്മേളനം 23 ന് ഗവ. ഗേള്സ് ഹയര് സെക്കന്ഡറി സ്കൂള് ഓഡിറ്റോറിയത്തില് നടക്കും. രാവിലെ ഒമ്പതിന് സ്വാഗത സംഘം ചെയര്മാന് പി.എസ്.സുഗന്ധപ്പന് പതാക ഉയര്ത്തുന്നതോടെ പരിപാടികള്ക്ക് തുടക്കമാകും. തുടര്ന്ന് പ്രതിനിധി സമ്മേളനം സംസ്ഥാന പ്രസിഡന്റ് ആശ്രമം ചെല്ലപ്പന് ഉദ്ഘാടനം ചെയ്യും. സ്വാഗത സംഘം കണ്വീനര് ചേര്ത്തല രാജന്, സംസ്ഥാന സെക്രട്ടറി കെ.ഒ.രമാകാന്തന് എന്നിവര് സംഘടനാ റിപ്പോര്ട്ടും പ്രവര്ത്തന റിപ്പോര്ട്ടും അവതരിപ്പിക്കും. വൈകിട്ട് നാലിന് കലാ സാംസ്കാരിക പ്രവര്ത്തകര് അണിനിരക്കുന്ന കലാ ജാഥ ആരംഭിക്കും. മുട്ടം പള്ളിക്ക് സമീപത്തു നിന്നും ആരംഭിക്കുന്ന ജാഥ സമ്മേളന വേദില് സമാപിക്കും. അഞ്ചിന് ചേരുന്ന പൊതുസമ്മേളനം കെ.സി.വേണുഗോപാല് എം.പി ഉദ്ഘാടനം ചെയ്യും. പി.എസ്.സുഗന്ധപ്പന് അദ്ധ്യക്ഷത വഹിക്കും. കലാ-സാംസ്കാരിക രംഗത്തെ പ്രമുഖരെ ചലച്ചിത്ര സംവിധായകന് വയലാര് മാധവന്കുട്ടി ആദരിക്കും.
പ്രതികരിക്കാൻ ഇവിടെ എഴുതുക: