കളമശ്ശേരി: കളമശ്ശേരി മെഡിക്കല് കോളേജ് ജീവനക്കാരെ മൂന്ന് ഘട്ടങ്ങളിലായി സര്ക്കാര് ഏറ്റെടുക്കുന്നു. ഇതിനായി 350 തസ്തികകള് സൃഷ്ടിച്ചു. ഡോക്ടര്മാര്, അനദ്ധ്യാപകര് ഉള്പ്പെടെയാണ് 350 തസ്തികകള്. ഇതിന്റെ ആദ്യഘട്ടമായാണ് 350 തസ്തികകള് സൃഷ്ടിച്ചിരിക്കുന്നത്. മെഡിക്കല് കോളേജില് നിന്ന് ആദ്യഘട്ട ലിസ്റ്റ് തയ്യാറാക്കിയെങ്കിലും ഏറ്റെടുക്കല് വൈകുകയായിരുന്നു. ഇതേ തുടര്ന്ന് ജീവനക്കാര് പണിമുടക്ക് അടക്കമുള്ള പ്രതിഷേധങ്ങള്ക്ക് പദ്ധതിയിട്ടിരുന്നു.
തുടര്ന്ന് ആരോഗ്യസെക്രട്ടറിയുമായി ഭാരവാഹികള് നടത്തിയ ചര്ച്ചയിലാണ് തസ്തിക അനുവദിച്ച കാര്യം അറിയിച്ചത്. നിലവില് ആരോഗ്യവകുപ്പില് നിന്ന് തസ്തിക അനുവദിച്ചുള്ള അറിയിപ്പ് മാത്രമാണ് ലഭിച്ചതെന്നും തുടര്നടപടികള് ഉത്തരവ് വരുന്നതനുസരിച്ച് കൈക്കൊള്ളുമെന്നും മെഡിക്കല് കോളേജ് പ്രിന്സിപ്പല് അറിയിച്ചു.
പ്രതികരിക്കാൻ ഇവിടെ എഴുതുക: