ആലപ്പുഴ: പറവൂരില് ടെലിഫോണ് പോസ്റ്റില് നിന്ന് വൈദ്യുതാഘാതമേറ്റ് പശു ചത്തു. ഇന്നലെ വൈകിട്ടോടെ പറവൂര് ഭഗവതിക്കല് ക്ഷേത്രത്തിന് വടക്കുഭാഗത്തായിരുന്നു സംഭവം.
സമീപത്തു കൂടി കടന്നുപോകുന്ന വൈദ്യുതി കമ്പി ടെലിഫോണ് പോസ്റ്റില് തട്ടിയതാണ് അപകട കാരണം. ദിവസവും കുട്ടികള് അടക്കം നിരവധിയാളുകളാണ് ടെലിഫോണ് പോസ്റ്റിന് അടുത്തുകൂടി കടന്നു പോകുന്നത്. ഭാഗ്യത്തിനാണ് വന് അപകടം ഒഴിവായത്. പശു വൈദ്യുതാഘാതമേറ്റ് ചത്ത വിവരം അറിയിച്ചപ്പേള് ജീവനക്കാരെത്തി വൈദ്യുതി കമ്പി മാറ്റി കെട്ടിയ ശേഷം മടങ്ങി. തുടര്ന്നും അപകടങ്ങള് ആവര്ത്തിക്കാതിരിക്കാനുള്ള യാതൊരു നടപടിയും കെഎസ്ഇബി സ്വീകരിച്ചില്ല.
നാട്ടുകാര് വിവരം അറിയച്ചതിനെ തുടര്ന്ന് പോലിസെത്തി കേസെടുക്കാന് തയ്യാറായിട്ടുണ്ട്. പശു വെദ്യുതാഘാതമേറ്റ് ചത്ത സാഹചര്യത്തില് ഉടമയ്ക്ക് കെഎസ്ഇബി നഷ്ടപരിഹാരം നല്കണമെന്നും, അപകടങ്ങള് ആവര്ത്തിക്കാതിരിക്കാനുള്ള നടപടയെടുക്കണമെന്നും ബിജെപി ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: