കുമരകം: ശ്രീനാരായണജയന്തിയും കുമരകം മത്സരവള്ളംകളിയും 30ന് നടക്കും. ശ്രീകുമാരമംഗലം ക്ഷേത്രത്തില് ശ്രീനാരായണ ഗുരു ബാലാമുരുകനെ 1903 കുംഭമാസത്തില് പ്രതിഷ്ഠിച്ചു. അതിനുശേഷം അവിടെ സന്നിഹിതരായ ഭക്തര്ക്ക് മധുരം നല്കാന് ഗുരു കല്പിച്ചു. അതിന്പ്രകാരം പായസദാനം നടന്നു. ആ ദിനത്തിന്റെ ഓര്മ്മ പുതുക്കലാണ് ചിങ്ങമാസത്തിലെ ഗുരുജയന്തിദിവസം നടക്കുന്ന ഗുരുവിന്റെ ചിത്രം വഹിച്ചുകൊണ്ടുള്ള ഘോഷയാത്രയും കോട്ടത്തോട്ടില് നടക്കുന്ന മത്സരവള്ളംകളിയും ശ്രീനാരായണ ജയന്തി വള്ളംകളിക്കു മുന്നോടിയായി ജലഘോഷയാത്രയും വഞ്ചിപ്പാട്ടു മത്സരവും നടക്കും.
വള്ളം കളി മത്സരത്തില് ക്ലബ് പ്രസിഡന്റ് എ.കെ. വിദ്യാധരന് അദ്ധ്യക്ഷത വഹിക്കും. പഞ്ചായത്ത് പ്രസിഡന്റ് ധന്യാ സാബു, ജില്ലാ പഞ്ചായത്ത് അംഗങ്ങളായ ബീന ബിനു, അഡ്വ. ഫില്സണ് മാത്യൂസ്, വി.എസ്. സുഗേഷ്, അഡ്വ. വി.പി. അശോകന്, എ.വി. തോമസ്, ഷാലു, രജിതാ സന്തോഷ്, അഡ്വ. ബിനു, കെ.വി. വിശ്വനാഥന്, തോമസ് കരിക്കിനേത്ത്, പി.ജി. പത്മനാഭന്, പി.എസ്. രഘു. ഡോ. പി.ആര്. കുമാര്, പുഷ്ക്കരന്, ബലിമ, കെ.ഡി. സലിമോന്, കെ.ആര്. അരവിന്ദാക്ഷന്, കെ.ടി. സൈമണ്, ഹണി ഗോപാല്, സാല്വിന്, എം.കെ. വാസവന് എന്നിവര് പ്രസംഗിക്കും. വള്ളം കളിമത്സരത്തില് വിജയികളാകുന്നവര്ക്ക് സമ്മാനദാനം കോട്ടയം ഡിവൈഎസ്പി വി.എസ്. വിനോദ്കുമാര് നിര്വ്വഹിക്കും.
പ്രതികരിക്കാൻ ഇവിടെ എഴുതുക: