ആലപ്പുഴ: ശ്രീകൃഷ്ണജയന്തി ആഘോഷങ്ങള്ക്ക് തുടക്കംകുറിച്ചു ബാലഗോകുലത്തിന്റെ നേതൃത്വത്തില് ഇന്ന് രാവിലെ ജില്ലയിലെ 2,500 പ്രധാന കേന്ദ്രങ്ങളില് പതാക ഉയര്ത്തും. ഒരാഴ്ച നീണ്ടുനില്ക്കുന്ന ആഘോഷങ്ങള്ക്ക് ഇതോടെ തുടക്കമാകും. ജില്ലയിലെ 72 മണ്ഡലങ്ങളുടെ സ്വാഗതസംഘസമിതികളാണ് ആഘോഷങ്ങള് സംഘടിപ്പിച്ചിരിക്കുന്നത്. സപ്തംബര് അഞ്ചിന് നടത്തുന്ന ശ്രീകൃഷ്ണജയന്തി ആഘോഷത്തിനും ശോഭായാത്രയ്ക്കും മുന്നോടിയായി കഥാകഥനം, ചിത്രരചനാ മത്സരങ്ങള്, കലാമത്സരങ്ങള്, ഗോപൂജ, വൃക്ഷപൂജ, കവിയരങ്ങ്, ഉറിയടി, സാംസ്കാരിക സമ്മേളനങ്ങള് തുടങ്ങിയവ നടത്തും. ശ്രീകൃഷ്ണജയന്തിദിവസം ജില്ലയുടെ വിവിധ ഭാഗങ്ങളില് 75 മഹാശോഭായാത്രകള് അടക്കം 400 ശോഭായാത്രകള് നടത്തും.
പ്രതികരിക്കാൻ ഇവിടെ എഴുതുക: