മുഹമ്മ: ഓണാഘോഷ പരിപാടി അലങ്കോലപ്പെടുത്താനുള്ള സാമൂഹ്യവിരുദ്ധരുടെ ശ്രമം തടയാന് ശ്രമിച്ച മൂന്നുയുവാക്കള്ക്ക് പരിക്ക്. മുഹമ്മ മറ്റത്തില് വീട്ടില് വിനോദ്(30), കല്ലുപുരയ്ക്കല് സുരേഷ്(32), അനില്(31)എന്നിവര്ക്കാണ് പരിക്കേറ്റത്.
ഇവര് മുഹമ്മ കമ്യൂണിറ്റി ഹെല്ത്ത് സെന്ററില് ചികില്സ തേടി. കഴിഞ്ഞ വ്യാഴാഴ്ച രാത്രിയാണ് സംഭവത്തിന്റെ തുടക്കം.
പ്രദേശത്തെ സാംസ്ക്കാരിക സമിതി സംഘടിപ്പിച്ച ഓണാഘോഷ പരിപാടിയാണ് മദ്യ-മ.യക്കുമരുന്ന് ഗുണ്ടാസംഘം അലങ്കോലപ്പെടുത്താന് ശ്രമിച്ചത്.
കുട്ടികളുടെ കലാപരിപാടികള് നടക്കുമ്പോള് സംഘമെത്തി പ്രശ്നമുണ്ടാക്കുകയായിരുന്നു. ഇവരെ തടഞ്ഞതിന്റെ വൈരാഗ്യത്തില് ശനിയാഴ്ചയും ഗുണ്ടാസംഘം എത്തി അ്രപമണം നടത്തുകയായിരുന്നു.
ഇക്കൂട്ടര്ക്കെതിരെ നടപടി സ്വീകരിക്കണമെന്നാവശ്യപ്പെട്ട് സ്ത്രീകള് അടക്കമുള്ളവര് മുഹമ്മ സ്റ്റേഷനിലെത്തി പരാതിനല്കി.
പ്രതികരിക്കാൻ ഇവിടെ എഴുതുക: