കോട്ടയം: ലൈഫ് ഇന്ഷുറന്സ് കോര്പ്പറേഷന് ഓഫ് ഇന്ത്യ 59 വര്ഷം പൂര്ത്തിയാക്കി. 1956 മുതല് ജനങ്ങളുടെ സമ്പാദ്യം പ്രീമിയമായി സമാഹരിച്ച് ആ പണം അടിസ്ഥാന സൗകര്യങ്ങള് വികസിപ്പിക്കുന്നതിനുവേണ്ടിയുള്ള സര്ക്കാര് പദ്ധതികളില് നിക്ഷേപിച്ചുവരികയാണ് എല്ഐസിയെന്ന് കോട്ടയം സീനിയര് ഡിവിഷന് മാനേജര് ഉതുപ്പ് ജോസഫ് പത്രസമ്മേളനത്തില് പറഞ്ഞു.
2015 മാര്ച്ച് 31ലെ കണക്കുകള് പ്രകാരം 20 ലക്ഷം കോടി രൂപ സാമൂഹ്യക്ഷേമത്തിനായി നിക്ഷേപിച്ചിട്ടുണ്ട്. ഭവനനിര്മ്മാണ പദ്ധതികള്ക്കായി 57000 കോടി രൂപയും ഊര്ജ്ജമേഖലയില് 1.18 ലക്ഷം കോടി രൂപയും ജലസേചനത്തിന് 2670 കോടി രൂപയും റോഡുനിര്മ്മാണത്തിനും മറ്റുമായി 10000 കോടി രൂപയും കഴിഞ്ഞ സാമ്പത്തികവര്ഷം എല്ഐസി നല്കി. 2012-17 കാലയളവിലെ പന്ത്രണ്ടും പഞ്ചവത്സരപദ്ധതി വിഹിതമായി 7.50 ലക്ഷം കോടി രൂപയാണ് എല്ഐസി നല്കിയത്. കേരള സംസ്ഥാനത്തുമാത്രം 30142 കോടി രൂപയാണ് വിവിധ അടിസ്ഥാന വികസന പദ്ധതികള്ക്കായി എല്ഐസി വകയിരുത്തിയത്.
പോളിസി ഉടമകള്ക്ക് പ്രീമിയം അടയ്ക്കുന്നതിനും പരാതികള് പരിഹരിക്കുന്നതിനും എല്ലാ ബ്രാഞ്ച് ഓഫീസുകളിലും സൗകര്യമുണ്ട്. ഇന്റര്നെറ്റ് വഴിയും മൊബൈല് ആപ്ലിക്കേഷന് വഴിയും ചില ബാങ്കുകളിലെ എടിഎം വഴിയും പ്രീമിയം അടയ്ക്കാം. കൂടാതെ സീനിയര് ബിസിനസ്സ് അസ്സോസിയേറ്റ്സ് ആയി തെരഞ്ഞെടുക്കപ്പെട്ടിട്ടുള്ള ഡെവലപ്മെന്റ് ഓഫീസര്മാരുടെ ലൈഫ് പ്ലസ് ഓഫീസുകളിലും ഏജന്റുമാരുടെ പ്രീമിയം പോയിനറ് വഴിയും പ്രീമിയം അടയ്ക്കാനുള്ള സൗകര്യമുണ്ട്. പോളിസ് ഉടമകളുടെ വിവിധതരത്തിലുള്ള അന്വേഷണങ്ങള്ക്ക് ംംം.ഹശരശിറശമ.ശി എന്ന വെബ്സൈറ്റും ലഭ്യമാണ്. 29.01 കോടി വ്യക്തിഗത പോളിസികളും 11.58 കോടി ഗ്രൂപ്പ് പോളിസികളും കൈകാര്യം ചെയ്യുന്ന എല്ഐസിയില് 11.63 ലക്ഷം ഏജന്റുമാര് പ്രര്ത്തിക്കുന്നുണ്ട്.
ദാരിദ്ര്യരേഖയ്ക്കു താഴെയുള്ള ജനങ്ങള്ക്കായി ‘ആം ആദ്മി ബീമാ യോജന’ എന്ന ഗ്രൂപ്പ് ഇന്ഷുറന്സ് പദ്ധതിയില് രണ്ടു കോടിയിലധികം ജനങ്ങള്ക്ക് എല്ഐസി ഇന്ഷുറന്സ് പരിരക്ഷ നല്കുന്നുണ്ട്. കേന്ദ്രഗവണ്മെന്റിന്റെ ആഭിമുഖ്യത്തില് പ്രധാന് മന്ത്രി ജീവന് ജ്യോതി ബീമായോജന എന്ന ഗ്രൂപ്പ് ഇന്ഷുറന്സ് പദ്ധതിയുടെ നടത്തിപ്പും എല്ഐസിക്കാണ്. പ്രതിവര്ഷം പതിനായിരം രൂപവീതം 110 വിദ്യാര്ത്ഥികള്ക്ക് സ്കോളര്ഷിപ്പും കോട്ടയം ഡിവിഷന് എല്ഐസി ഗോള്ഡന് ജൂബിലി സ്കോളര്ഷിപ്പ് പദ്ധതിയില്നിന്നും നല്കിയിട്ടുണ്ട്. കോട്ടയം ഡിവിഷന് കഴിഞ്ഞ സാമ്പത്തികവര്ഷം ഹെല്ത്ത് ഇന്ഷുറന്സ് പ്രീമിയം വിപണനത്തില് അഖിലേന്ത്യാതലത്തില് രണ്ടാം സ്ഥാനം നേടി. ഈ സാമ്പത്തികവര്ഷം പ്രീമിയം സമാഹരണത്തിന്റെ ലക്ഷ്യപ്രാപ്തിയില് കോട്ടയം ഡിവിഷന് ദക്ഷിണമേഖലയില് ഒന്നാം സ്ഥാനത്താണെന്നും ഉതുപ്പ് ജോസഫ് പറഞ്ഞു.
പ്രതികരിക്കാൻ ഇവിടെ എഴുതുക: