കൊല്ലം: പത്തനാപുരം ഗാന്ധിഭവനില് സംഘടിപ്പിച്ച അധ്യാപക ദിനാഘോഷത്തില് വിരമിച്ച അധ്യാപിക ചന്ദ്രമതി ടീച്ചര്ക്ക് ആദരം. ട്രസ്റ്റി അംഗം പ്രസന്ന രാജന് ചടങ്ങില് ടീച്ചറെ പൊന്നാടയണിയിച്ചു.
”മാതാപിതാഗുരുദൈവം എന്ന ചിന്ത മനസില് പകര്ത്തി കുട്ടികളില് അത്തരത്തിലൊരു സംസ്കാരം വളര്ത്തുവാനുള്ള പ്രവര്ത്തനങ്ങളാണ് ഗാന്ധിഭവന് ലക്ഷ്യമിടുന്നതെന്ന് ഗാന്ധിഭവന് സെക്രട്ടറി ഡോ. പുനലൂര് സോമരാജന് പറഞ്ഞു.
തുടര്ന്ന് മദര്തെരേസ അനുസ്മരണം ആദ്യകാല ആദിവാസി നേതാവ് ചെല്ലമ്മ കൃഷ്ണന് ഉദ്ഘാടനം ചെയ്തു. ശ്രീകൃഷ്ണജയന്തി ആഘോഷം തിരുവല്ല എസ്.എന്.ഡി.പി യൂണിയന് കൗസിലര് പി.കെ.ദിവാകരന് ഉദ്ഘാടനം ചെയ്തു. എസ്ബിടി കമ്മ്യൂണിറ്റി സര്വ്വീസിന്റെ ഭാഗമായി അഞ്ചല് ശാഖയുടെ കീഴില് പ്രവര്ത്തിക്കുന്ന അഞ്ചല് സോഷ്യല് സര്ക്കിള് വിഭാഗം പ്രവര്ത്തകരും ഗാന്ധിഭവനില് എത്തിയിരുന്നു. 108 വയസുള്ള ഇബ്രാഹിംകുട്ടിയെ യോഗത്തില് പൊന്നാടയണിയിച്ച് ആദരിച്ചു. എസ്ബിടി അഞ്ചല് ശാഖാ ചീഫ് ജനറല് മാനേജര് എന്ആര്ഐ വിഭാഗം മാനേജര് സീനിയര് ബാങ്ക് ഓഫീസര് ജി.സുരേഷ്ബാബു, രമാദേവി, ഗീതാകുമാരി, ജി.അജിത്ത് കുമാര് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: