ആലപ്പുഴ: ശ്രീനാരായണ ഗുരുവിനെ കുരിശിലേറ്റി വിശ്വാസികളെയും ശ്രീനാരായണീയരെയും അപമാനിച്ച സിപിഎം നടപടിയില് പ്രതിഷേധം തുടരുന്നു. ജില്ലയുടെ വിവിധ ഭാഗങ്ങളില് ഇന്നലെയും പ്രകടനങ്ങളും സമ്മേളനങ്ങളും നടന്നു.കുട്ടനാട്ടില് മേഖലാടിസ്ഥാനത്തിലാണ് എസ്എന്ഡിപിയുടെ പ്രതിഷേധ പ്രകടനം നടന്നത്. ഹിന്ദു ഐക്യവേദിയുടെ നേതൃത്വത്തില് മുഹമ്മയിലും പുത്തനങ്ങാടിയിലും കാവുങ്കലും മണ്ണഞ്ചേരിയിലും വന് പ്രതിഷേധ പ്രകടനം നടന്നു. കെജി കവല ഗുരുമന്ദിരത്തില് നിന്നും ആരംഭിച്ച പ്രകടനം കല്ലാപ്പുറത്ത് സമാപിച്ചു. ബിജെപി സംസ്ഥാന കൗണ്സിലംഗം കെ.വി. അശോകന് സമസാരിച്ചു. ആര്എസ്എസ് മണ്ഡല് കാര്യവാഹ് എം.ആര്. രതീഷ്, ബിജെപി ചേര്ത്തല മണ്ഡലം സെക്രട്ടറി കെ.വി. ബാബു, ബിജെപി മുഹമ്മ പഞ്ചായത്ത് കമ്മറ്റി പ്രസിഡന്റ് റ്റി.എസ്. അനില്കുമാര്, സെക്രട്ടറി കെ.ടി. ശശി എന്നിവര് പ്രകടനത്തിന് നേതൃത്വം നല്കി.
കാവുങ്കല് തെക്കേതറമൂട്ടില് നിന്നും ആരംഭിച്ച പ്രതിഷേധ പ്രകടനത്തിന് ബിജെപി ആലപ്പുഴ മണ്ഡലം സെക്രട്ടറി രഞ്ജന് പൊന്നാട്, ആര്എസ്എസ് കാവുങ്കല് മണ്ഡല് കാര്യവാഹ് സിന്ധുമോന്, ബിഎംഎസ് കണ്വീനര് സനല്, പി.ആര്. പ്രസാദ്, യുവമോര്ച്ച പഞ്ചായത്ത് കണ്വീനര് വിജീഷ് എന്നിവര് നേതൃത്വം നല്കി. പ്രകടനം മുഹമ്മ ബസ്റ്റാന്റില് സമാപിച്ചു.
പുത്തനങ്ങാടി കവലയില് നിന്നാരംഭിച്ച ഹിന്ദു ഐക്യവേദി പ്രതിഷേധ പ്രകടനം മുട്ടത്തിപ്പറമ്പില് സമാപിച്ചു. ആര്എസ്എസ് വിഭാഗ് കാര്യവാഹ് എല്. പത്മകുമാര് സംസാരിച്ചു. ബിജെപി ജില്ലാ വൈസ് പ്രസിഡന്റ് സാനുസുധീന്ദ്രന്, ആര്എസ്എസ് കലവൂര് താലൂക്ക് കാര്യവാഹ് ദീപു, പുത്തനങ്ങാടി മണ്ഡല് കാര്യവാഹക് യോഗേഷ്, മണ്ഡല് കാര്യവാഹ് ഗോപാലകൃഷ്ണന്, ആര്എസ്എസ് ചേര്ത്തല താലൂക്ക് ശാരീരിക് ശിക്ഷന്പ്രമുഖ് ഹരികൃഷ്ണന് എന്നിവര് നേതൃത്വം നല്കി.
ഗുരുനിന്ദയ്ക്ക് പരിഹാരം ഗുരുധര്മ്മ പ്രചരണമാണെന്ന് ശ്രീനാരായണ വൈദികസംഘം കണിച്ചുകുളങ്ങര അഭിപ്രായപ്പെട്ടു. ശ്രീനാരായണ ഗുരുവിനെ നിന്ദിച്ചവര് പരിഹാരം കാണാന് ഗുരുധര്മ്മ പ്രചരണം നടത്തണമെന്ന് ശ്രീനാരായണ വൈദിക സംഘം ആവശ്യപ്പെട്ടു. കേരളത്തെ ഭ്രാന്താലയമാക്കാന് ശ്രമിക്കുന്നവരാണ് ഗുരുവിനെ അപഹസിക്കുന്നതെന്നും ശ്രീനാരായണ വൈദികസംഘം കുറ്റപ്പെടുത്തി. യോഗത്തില് പ്രസിഡന്റ് സുരേഷ് ശാന്തി അധ്യക്ഷത വഹിച്ചു.
ശ്രീനാരായണ ഗുരുദേവനെ സിപിഎമ്മുകാര് അവഹേളിച്ചതില് മണ്ണഞ്ചേരി 352-ാം നമ്പര് എസ്എന്ഡിപി ശാഖായോഗം പ്രതിഷേധിച്ചു. ശാഖായോഗം പ്രസിഡന്റ് എന്. അപ്പുകുട്ടന് തോംവീട്ടില് അദ്ധ്യക്ഷത വഹിച്ചു. ബി.സജികുമാര് കളമ്പൂല്, എ.ഡി.ഭാരതീയന്, എസ്.ജയദേവന്, ഡി. പ്രതാപന്, പി.പി. സഞ്ജയന്, രവി മറ്റത്തില് എന്നിവര് പ്രസംഗിച്ചു.
എസ്എന്ഡിപി ഗീതാനന്ദപുരം 2860-ാം നമ്പര് ശാഖായോഗത്തിന്റെ നേതൃത്വത്തില് പ്രതിഷേധ പ്രകടനം നടത്തി. ശാഖായോഗം പ്രസിഡന്റ് ഡി. ബാലചന്ദ്രന് ഉദ്ഘാടനം ചെയ്തു. യൂത്ത് മൂവ്മെന്റ് ചേര്ത്തല യൂണിയന് ജോ. കണ്വീനര് ബിജുദാസ് അദ്ധ്യക്ഷനായി. ശാഖായോഗം സെക്രട്ടറി ഷിബു തൈക്കൂടം, യൂത്ത് മൂവ്മെന്റ് പ്രസിഡന്റ് സൈജിത്ത്, ഡി.എന്. മണിയന്, ശ്യാം എന്നിവര് സംസാരിച്ചു
ചേലാട്ടുഭാഗം 1140-ാം നമ്പര് എസ്എന്ഡിപി ശാഖാ യോഗത്തിന്റെ നേതൃത്വത്തില് വടുതലയില് പ്രതിഷേധ മാര്ച്ച് നടന്നു. ബൈജു അറുകുഴി ഉദ്ഘാടനം ചെയ്തു. ശാഖായോഗം പ്രസിഡന്റ് പി.കെ. രവി, സെക്രട്ടറി വി.കെ.രവീന്ദ്രന്, വി.കെ. പുരുഷന് എന്നിവര് നേതൃത്വം നല്കി. യൂത്ത് മൂവ്മെന്റ്, വനിതാ സംഘം ഭാരവാഹികളടക്കം നൂറ് കണക്കിന് പേര് പങ്കെടുത്തു.
പ്രതികരിക്കാൻ ഇവിടെ എഴുതുക: