കളമശ്ശേരി: ശ്രീനാരായണ ഗുരുവിനെ നിന്ദിച്ചതില് ഹിന്ദു ഐക്യവേദിയുടെയും എസ്എന്ഡിപിയുടെയും മറ്റ് സംഘടനകളുടെയും നേതൃത്വത്തില് പ്രതിഷേധം തുടരുന്നു. നാറാണത്ത് നടന്ന പ്രതിഷേധത്തിന് ഗിരീഷ്, കെ.കെ വേലായുധന്, കെ.എം. മുരളി തുടങ്ങിയവര് നേതൃത്വം നല്കി. പാട്ടുപുരയ്ക്കല് വടക്കും ഭാഗത്ത് നടന്ന പ്രതിഷേധത്തിന് ബി. മധുസൂദനന് നായര്, പി.ടി. രാജേഷ്, ആര്. രാജേഷ് തുടങ്ങിയവര് നേതൃത്വംനല്കി. കിഴക്കുംഭാഗം കുറ്റിക്കാട്ടുകര എസ്എന്ഡിപിയും ഹിന്ദു ഐക്യ വേദിയും സംയുക്ത പ്രതിഷേധം നടത്തി. ഹിന്ദു ഐക്യവേദി പഞ്ചായത്ത് സെക്രട്ടറി ത്രിദീപന്, എസ്എന്ഡിപി ശാഖാ സെക്രട്ടറി അലുപുരം ദാസന്, എബിന് രാജ്, എന്നിവര് നേതൃത്വം നല്കി.
കടുങ്ങല്ലൂര് ഹിന്ദു ഐക്യവേദിയുടെ ആഭിമുഖ്യത്തില് നൂറ് കണക്കിന് പ്രവര്ത്തകര് പന്തംകൊളുത്തി പ്രതിഷേധിച്ചു. ഭാരതീയ വിചാരകേന്ദ്രം ജില്ലാ ജനറല് സെക്രട്ടറി പി.എസ്. അനിരുദ്ധന്, ഹിന്ദു ഐക്യവേദി പഞ്ചായത്ത് ജനറല് സെക്രട്ടറി പി.എസ്. ശ്രീനി, വൈസ് പ്രസിഡന്റുമാരായ പി.കെ. സദാശിവന്പിള്ള, കൃഷ്ണനുണ്ണി, മോഹന്ദാസ് എന്നിവര് പ്രകടനത്തിന് നേതൃത്വം കൊടുത്തു. കിഴക്കേ കടുങ്ങല്ലൂര് ഹിന്ദു ഐക്യവേദിയും ഇതര ഹിന്ദുസംഘടനകളും സംയുക്തമായി പ്രതിഷേധിച്ചു. കങ്ങരപ്പടി എസ്എന്ഡിപി ശാഖ പ്രതിഷേധിച്ചു. ആലുവ അഡ്മിനിസ്ട്രേറ്റീവ് കമ്മിറ്റി അംഗം കെ.എസ് സ്വാമിനാഥന് പ്രതിഷേധയോഗം ഉദ്ഘാടനം ചെയ്തു. സുനില്.കെ.ആര്.എസ്, കെ.കെ. മോഹനന്, ടി.കെ. ബിജു, മോഹനന് കരിപ്പാമൂല, സുജാത ഉണ്ണി തുടങ്ങിയവര് നേതൃത്വം കൊടുത്തു. നൂറ് കണക്കിന് പ്രവര്ത്തകര് പങ്കെടുത്തു.
കാലടി: കാലടിയില് നൂറ് കണക്കിന് ശ്രീനാരായണീയര് പങ്കെടുത്ത വന് പ്രതിഷേധം നടന്നു. പ്രകടനത്തിനുശേഷം നടന്ന യോഗം കുന്നത്തുനാട് യൂണിയന് പഞ്ചായത്ത് മെമ്പര് ടി.എസ്.ബൈജു ഉദ്ഘാടനം ചെയ്തു. കാലടി ശാഖ പ്രസിഡന്റ് ജയന്.എന്.ശങ്കരന് അദ്ധ്യക്ഷത വഹിച്ചു. കണ്ണമ്മ സന്തോഷ്, ടി.എസ്.പ്രേംകുമാര് തുടങ്ങിയവര് സംസാരിച്ചു.
മരട്: പനങ്ങാട് തെക്ക് 1483-ാം ശാഖയുടേയും, പനങ്ങാട് വടക്ക് 2611-ാം ശാഖയോഗത്തിന്റേയും, ചേപ്പനം, ചാത്തമ്മ എന്നീശാഖകളുടേയും, പനങ്ങാട് സന്മാര്ഗ്ഗസന്ദര്ശിനിസഭ എന്നീ സംഘടനയുടെയും അവയുടെ പോഷക സംഘടനകളുടേയും പ്രവര്ത്തകര് സംയുക്തമായിട്ടായിരുന്നു പ്രതിഷേധപ്രകടനവും സമ്മേളനവും നടത്തിയത്. എസ്എന്ഡിപി യൂത്ത് മൂവ്മെന്റ്, വനിതാസംഘം മൈക്രോഫൈനാന്സ്, വിവിധ കുടുംബയുണിറ്റുകള് എന്നിവിടങ്ങളില് നിന്നും ആയിരക്കണക്കിന് പ്രവര്ത്തകര് പ്രകടനത്തില് അണിനിരന്നു. പനങ്ങാട് ഗുരുമണ്ഡപത്തില് നിന്നും ആരംഭിച്ച പ്രകടനം മാടവനയിലെത്തി പ്രതിഷേധയോഗം ചേര്ന്നു. പനങ്ങാട് തെക്ക് ശാഖാപ്രസിഡന്റ് പി.കെ.രാജന് അദ്ധ്യക്ഷത വഹിച്ചു. യൂത്ത്മൂവ്മെന്റ് കണയന്നൂര് താലുക്ക് പ്രസിഡന്റ് സുധീര് കുമാര് ചോറ്റാനിക്കര സമ്മേളനം ഉദ്ഘാടനം ചെയ്തു. കെ.കെ. മണിയപ്പന്, കെ.കെ. രാധാകൃഷ്ണന്, ദാസന് മരോട്ടിക്കല് തുടങ്ങിയവര് പ്രസംഗിച്ചു.
പറവൂര്: ഹിന്ദുഐക്യവേദി പറവൂര് താലൂക്ക് കമ്മിറ്റിയുടെ ആഭിമുഖ്യത്തില് നഗരത്തില് പ്രതിഷേധ പ്രകടനം നടത്തി . പെരുവാരത്തു നിന്നും ആരംഭിച്ച പ്രകടനം നഗരം ചുറ്റി നമ്പൂതിരിയച്ചന് ആല്ത്തറയ്ക്ക് സമീപം സമാപിച്ചു. പ്രതിഷേധ യോഗം ഹിന്ദുഐക്യവേദി സംസ്ഥാന ജനറല് സെക്രട്ടറി ആര്.വി.ബാബു ഉദ്ഘാടനം ചെയ്തു. താലൂക്ക് പ്രസിഡന്റ് കെ.ജി.മധു അധ്യക്ഷത വഹിച്ചു. താലൂക്ക് ജനറല് സെക്രട്ടറി കെ.സി.സാബു ശാന്തി, മഹിളാ ഐക്യവേദി ജില്ലാ പ്രസിഡന്റ് ശ്രീകല മനോജ് , കെ.എസ്.ശിവദാസ്, തമ്പികല്ലുപുറം, യമുന വത്സന്, ടി.വി.വേണു കരുമാല്ലൂര്, ശാരദാദേവി ശരഭവന് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: