മണ്ണഞ്ചേരി: വിവിധ ആവശ്യങ്ങള് ഉന്നയിച്ച് മണ്ണഞ്ചേരി പഞ്ചായത്തിലെ ബിജെപി മെമ്പര്മാരുടെ നേതൃത്വത്തില് ഗ്രാമപഞ്ചായത്തുപടിക്കല് നടന്ന കുത്തിയിരിപ്പു സമരം വിജയം കണ്ടു. കശുമാവ് പദ്ധതി നടപ്പാക്കിയതിലെ 60 ലക്ഷം രൂപയുടെ സാമ്പത്തിക അഴിമതി വിജിലന്സ് അന്വേഷിക്കുക, 21-ാം വാര്ഡിലെ തൊഴിലുറപ്പ് തൊഴിലാളികളുടെ തൊഴില്പ്രശ്നം പരിഹരിക്കുക, പനയില് ലക്ഷംവീട് കോളനിയിലെ കുടിവെള്ള പ്രശ്നത്തിന് ശാശ്വത പരിഹാരം കാണുക, അഞ്ചാംവാര്ഡില് ആര്ഒ പ്ലാന്റ് സ്ഥാപിക്കുക തുടങ്ങി ഇരുപത് ആവശ്യങ്ങള് ഉന്നയിച്ചാണ് കഴിഞ്ഞദിവസം വാര്ഡ് മെമ്പര്മാരായ ജി. ഉണ്ണികൃഷ്ണന്, പി. ശിവാനന്ദന് എന്നിവരുടെ നേതൃത്വത്തില് കുത്തിയിരിപ്പ് സമരം നടത്തിയത്.
വൈകിട്ട് നാലരയോടെ പഞ്ചായത്ത് ഭരണകൂടം ബിജെപി നേതാക്കളുമായി നടത്തിയ ചര്ച്ചയില് എല്ലാ ആവശ്യങ്ങളും അംഗീകരിച്ചതായി ബിജെപി പഞ്ചായത്ത് പ്രസിഡന്റ് വത്സലന്പിള്ള, ജനറല് സെക്രട്ടറി ഷാജി എന്നിവര് അറിയിച്ചു.
പ്രതികരിക്കാൻ ഇവിടെ എഴുതുക: