കൊച്ചി: എറണാകുളം ജനറല് ആശുപത്രിയില് കൂടുതല് പോസ്റ്റുകള് അനുവദിക്കാന് കഴിയാത്ത സ്ഥിതിയാണെങ്കിലും റീ ഡിപ്ലോയ്മെന്റ് വഴി അതിനു നടപടി സ്വീകരിച്ച് സൂപ്പര് സ്പെഷ്യാലിറ്റിയായി താമസിയാതെ പ്രഖ്യാപിക്കുമെന്ന് ആരോഗ്യമന്ത്രി വി.എസ്.ശിവകുമാര്. നവീകരിച്ച ഒപി രജിസ്ട്രേഷന് ബ്ലോക്കിന്റെയും നിരീക്ഷണക്യാമറകളുടെയും ഉദ്ഘാടനം നിര്വഹിച്ച് സംസ്കാരിക്കുകയായിരുന്നു അദ്ദേഹം.
ഹൈബി ഈഡന് എംഎല്എ അധ്യക്ഷത വഹിച്ചു. ഇന്ഫോപാര്ക്കിലെ ഫ്രാഗോമെന് എന്ന കമ്പനി സംഭാവനയായി നല്കിയ 22 ജലശുദ്ധീകരണ ഉപകരണങ്ങളുടെ ഉദ്ഘാടനം പ്രൊഫ.കെ.വി. തോമസ് എംപി നിര്വഹിച്ചു.
ആശുപത്രിയിലെ രോഗികള്ക്കും കൂട്ടിരിപ്പുകാര്ക്കും ശുദ്ധമായ കുടിവെള്ളം എത്തിക്കാന് ഈ സൗകര്യം ഉപയോഗപ്പെടും. എംഎല്എമാരായ ഡോമനിക് പ്രസന്റേഷന്, ബെന്നി ബഹനാന്, ഡിഎംഒ ഡോ. എന്.കെ.കുട്ടപ്പന്, ഡി.പി.എം. ഡോ. ഹസീന മുഹമ്മദ്, എച്ച്ഡിഎസ് അംഗങ്ങളായ കുമ്പളം രവി, പി.എ. മമ്മു, ഫ്രോഗമെന് എം.ഡി. സാജു ജയിംസ്, സൂപ്രണ്ട് ഡാലിയ, കൗണ്സിലര് ഗ്രേസി ജോസഫ് തുടങ്ങിയവര് പങ്കെടുത്തു. ജില്ല കളക്ടര് എം.ജി.രാജമാണിക്യം സ്വാഗതവും എആര്എംഒ ഡോ. പി.കെ. റഫീക് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: